ತನಿಷಾ ವಿರುದ್ಧ ಅಟ್ರಾಸಿಟಿ ಕೇಸ್ : ಜೈಲು ಸೇರುತ್ತಾರಾ ಬಿಗ್ ಬಾಸ್ ಸ್ಪರ್ಧಿ..?

ಬೆಂಗಳೂರು: ಬಿಗ್ ಬಾಸ್ ಸೀಸನ್ 10 ರಲ್ಲಿ ಅದ್ಯಾಕೋ ಒಂದಷ್ಟು ವಿವಾದಗಳೇ ತುಂಬುತ್ತಿವೆ. ಹುಲಿ ಉಗುರು ಪ್ರಕರಣದಿಂದ ವರ್ತೂರು ಸಂತೋಷ್ ಜೈಲಿಗೆ ಹೋಗಿ ಬಂದ್ರು, ಈಗ ತನಿಷಾ ಮೇಲೆ ಅಟ್ರಾಸಿಟಿ ಕೇಸ್ ಬಿದ್ದಿದೆ. ಭೋವಿ ಸಮಾಜದ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದ್ದಾರೆಂದು ಅಟ್ರಾಸಿಟಿ ಕೇಸ್ ದಾಖಲು ಮಾಡಲಾಗಿದೆ.

ಕುಂಬಳಗೋಡು ಪೊಲೀಸ್ ಠಾಣೆಯಲ್ಲಿ ಎಸ್ಸಿ/ಎಸ್ಟಿ ಕಾಯ್ದೆಯಡಿ ದೂರು ದಾಖಲಾಗಿದೆ. ಅಖಿಲ ಕರ್ನಾಟಕ ಭೋವಿ ಸಮಾಜದ ರಾಜ್ಯಾಧ್ಯಕ್ಷೆ ಪಿ.ಪದ್ಮಾ ಎಂಬುವವರು ಈ ದೂರನ್ನು ನೀಡಿದ್ದಾರೆ. ಮಾತನಾಡುವ ನಡುವೆ, ಪ್ರತಾಪ್ ಗೆ ವಡ್ಡರ ಥರ ಆಡಬೇಡ ಎಂಬ ಮಾತನ್ನು ಹೇಳಿದ್ದರು. ಆ ಒಂದು ಸಮುದಾಯಕ್ಕೆ ಅವಮಾನವಾಗುವಂತೆ ಮಾತನಾಡಿದ್ದಾರೆ ಎಂದು ದೂರು ದಾಖಲಿಸಿದ್ದಾರೆ.

ಅಟ್ರಾಸಿಟಿ ದೂರು ದಾಖಲಾದರೆ ಜಾಮೀನು ರಹಿತ ಕೇಸ್ ಆಗಿರುತ್ತದೆ. ಹೀಗಾಗಿ ತನಿಷಾ ಕೂಡ ಬಿಗ್ ಬಾಸ್ ಮನೆಯಿಂದಾನೇ ಅರೆಸ್ಟ್ ಆಗ್ತಾರಾ ಎಂಬ ಪ್ರಶ್ನೆಗಳು ಎದ್ದಿವೆ.