ಬೆಂಗಳೂರು: ಅಪ್ಪುಗಾಗಿ ಸಹಸ್ರಾರು ಮನಗಳು ಮಿಡಿಯುತ್ತಿವೆ ಅನ್ನೋದು ಎಲ್ಲರಿಗೂ ಗೊತ್ತಿರುವ ವಿಚಾರ. ಅಪ್ಪು ಇಲ್ಲ ಅನ್ನೋದನ್ನ ಈಗಲೂ ಅರಗಿಸಿಕೊಳ್ಳಲು ಆಗ್ತಿಲ್ಲ. ಆದ್ರೆ ಅಪ್ಪು ಇಲ್ಲದಿರುವಿಕೆಯ ಕೊರಗಲ್ಲೇ ಅಭಿಮಾನಿಗಳು ಅವರಿಗಿಷ್ಟವಾದ ಕೆಲಸಗಳನ್ನ ಮಾಡುತ್ತಾ ಮಗ್ನರಾಗಿದ್ದಾರೆ.
ಅಪ್ಪು ಆಗಾಗ ಅಯ್ಯಪ್ಪ ಸ್ವಾಮಿ ದರ್ಶನಕ್ಕೆ ಹೋಗ್ತಾ ಇದ್ರು. ಡಾ ರಾಜ್‍ಕುಮಾರ್ ಇರುವಾಗ ಅವರ ಜೊತೆ. ಅವರ ಅಗಲಿಕೆಯ ನಂತರ ಅಣ್ಣ ಶಿವ ರಾಜ್‍ಕುಮಾರ್ ಜೊತೆಗೆ ಅಯ್ಯಪ್ಪನ ದರ್ಶನಕ್ಕೆ ಹೋಗ್ತಾ ಇದ್ರು. ಆದ್ರೆ ಅವರೀಗ ಇಲ್ಲ. ಅಭಿಮಾನಿಯೊಬ್ಬ ಈಗಲೂ ಅವರಿಗೆ ಅಯ್ಯಪ್ಪನ ದರ್ಶನ ಮಾಡಿಸಿದ್ದಾರೆ.
ಅಭಿಮಾನಿಯೊಬ್ಬ ಅಪ್ಪು ಭಾವಚಿತ್ರವನ್ನಿಟ್ಟುಕೊಂಡು ಶಬರಿಮಲೆಯ ಅಯ್ಯಪ್ಪನ 18 ಮೆಟ್ಟಿಲುಗಳನ್ನ ಹತ್ತಿದ್ದಾರೆ. ಅಪ್ಪು ಫೋಟೋದೊಂದಿಗೆ ದರ್ಶನವನ್ನು ಮಾಡಿದ್ದಾರೆ. ಅಪ್ಪು ಅಗಲಿಕೆಯ ನೋವು ಅಭಿಮಾನಿಗಳನ್ನ ಬೆಂಬಿಡದಂತೆ ಕಾಡುತ್ತಿದೆ ಅನ್ನೋದಕ್ಕೆ ಇದು ಉದಾಹರಣೆಯೇ. ಅಪ್ಪು ಅಗಲಿದಾಗಿನಿಂದ ಅಭಿಮಾನಿಗಳು ಸಾಕಷ್ಟು ಸಮಾಜಮುಖಿ ಕೆಲಸಗಳನ್ನ ಮಾಡ್ತಾನೆ ಬಂದಿದ್ದಾರೆ.
