ನಾವೂ ಮಲಗುವ ಕೋಣೆಯಲ್ಲೂ ವಿಡಿಯೋ ಮಾಡೋದು ಅಸಹ್ಯಕರ : ಅನುಷ್ಕಾ ಶರ್ಮಾ ಬೇಸರ
ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಉಳಿದುಕೊಂಡಿದ್ದ ಖಾಸಗಿ ಹೊಟೆಲ್ ಒಂದರ ರೂಮಿನ ವಿಡಿಯೋ ವೈರಲ್ ಆಗಿದೆ. ವೈರಲ್ ಮಾಡಿರುವವರ ವಿರುದ್ಧ ಅನುಷ್ಕಾ ಶರ್ಮಾ ಆಕ್ರೋಶ ಹೊರ ಹಾಕಿದ್ದಾರೆ.
ಟಿ20 ವಿಶ್ವಕಪ್ ನಲ್ಲಿ ಟೀಂ ಇಂಡಿಯಾ ಇದೆ. ಆಸ್ಟ್ರೇಲಿಯಾದಲ್ಲಿ ಹೊಟೇಲ್ ಗಳಲ್ಲಿ ತಂಗಿದ್ದಾರೆ. ಹೀಗೆ ವಿರಾಟ್ ಕೊಹ್ಲಿ ರೂಮಿಗೆ ಅವರಿಲ್ಲದೆ ಇದ್ದಾಗ ಹೋದ ವ್ಯಕ್ತಿಯೊಬ್ಬರು ಆ ರೂಮಿನ ವಿಡಿಯೋ ಮಾಡಿ ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಹರಿದು ಬಿಟ್ಟಿದ್ದಾರೆ. ಇದು ಅನುಷ್ಕಾ ಶರ್ಮಾ ಅವರ ಬೇಸರಕ್ಕೂ ಕಾರಣವಾಗಿದೆ.
ಈ ಬಗ್ಗೆ ಮಾತನಾಡಿರುವ ಅನುಷ್ಕಾ ಶರ್ಮಾ, ಇಂತಹ ಘಟನೆಗಳು ನಡೆಯುತ್ತಿರುವುದು ಹೊಸದೇನು ಅಲ್ಲ. ಇದು ಅತ್ಯಂತ ಕೆಟ್ಟ ಬೆಳವಣಿಗೆಯಾಗಿದೆ. ಎಲ್ಲರಿಗೂ ಪ್ರೈವೆಸಿ ಎಂಬುದು ಬೇಕಾಗುತ್ತದೆ ಅಲ್ಲವಾ..? ಅದರಲ್ಲೂ ನಾವೂ ಮಲಗುವ ಕೋಣೆಯ ವಿಡಿಯೋ ಶೂಟ್ ಮಾಡಿ, ಹೀಗೆ ಹರಿ ಬಿಡುತ್ತಾರೆ ಎಂದರೆ ಅದು ಅಸಹ್ಯಕರ ಎಂದು ಬೇಸರ ಹೊರ ಹಾಕಿದ್ದಾರೆ.
