ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ದಂಪತಿಗೆ ಮುದ್ದಾದ ಮಗಳೊಬ್ಬಳಿದ್ದಾಳೆ. ವಮಿಕಾ ಹುಟ್ಟಿದಾಗಿನಿಂದ ಮಗಳ ಮುಖ ತೋರಿಸಿರಲಿಲ್ಲ. ಅದಕ್ಕೊಂದು ಸುಸಂದರ್ಭ ಬರುತ್ತೆ, ಆಗ ಆಕೆಯ ಮುಖ ತೋರಿಸುತ್ತೇವೆ. ಅವಳಿಗೆ ಪ್ರಪಂಚದ ಜ್ಞಾನ ಅರಿವಾಗಬೇಕು ಎಂದಿದ್ದರು. ಈ ಮಧ್ಯೆ ವಮಿಕಾಳನ್ನು ನೋಡಲು ಕಾತುರರಾಗಿದ್ದ ಅಭಿಮಾನಿಗಳಿಗೆ ಕ್ರಿಕೆಟ್ ಪಂದ್ಯದ ವೇಳೆ ಸೆರೆ ಹಿಡಿದಿದ್ದ ಫೋಟೋಗಳು ಸಿಕ್ಕಿದ್ದವು. ಫೈನಲಿ ವಿರುಷ್ಕಾ ದಂಪತಿಯ ಮಗಳು ಹೇಗಿದ್ದಾಳೆಂಬುದು ಎಲ್ಲರೂ ಕಣ್ತುಂಬಿಕೊಂಡರು.
ಅಂದು ಅನುಷ್ಕಾ ಮತ್ತು ವಿರಾಟ್ ಮಾಧ್ಯಮದವರಿಗೆ ಮನವಿ ಮಾಡಿಕೊಂಡಿದ್ದರು. ಮಗಳ ಫೋಟೋ ಡಿಲೀಟ್ ಮಾಡಿ, ಮತ್ತೆ ಸೆರೆ ಹಿಡಿಯುವ ಪ್ರಯತ್ನ ಮಾಡಬೇಡಿ ಎಂದು. ಇದೀಗ ಅನುಷ್ಕಾ ಶರ್ಮಾ ಮಾಧ್ಯಮದವರ ಮೇಲೆ ಕಿಂಚ ಹೆಚ್ಚೆ ಗರಂ ಆಗಿದ್ದಾರೆ. ವಮಿಕಾಳ ಫೋಟೋ ಮತ್ತೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಪದೇ ಪದೇ ಮನವಿ ಮಾಡಿದರು ಫೋಟೋ ಕ್ಲಿಕ್ಕಿಸುವುದನ್ನು ನಿಲ್ಲಿಸದವರ ವಿರುದ್ಧ ಗರಂ ಆಗಿರುವ ಅನುಷ್ಕಾ ಟ್ವೀಟ್ ಮೂಲಕ ಕ್ಲಾಸ್ ತೆಗೆದುಕೊಂಡಿದ್ದಾರೆ. ತಮ್ಮ ಮಗುವಿಗೆ ಏನು ಒಳ್ಳೆಯದು ಎಂಬುದು ಪೋಷಕರಿಗಿಂದ ಮಾಧ್ಯಮದವರಿಗೆ ಗೊತ್ತು ಎಂದು ಅವರು ಭಾವಿಸಿದ್ದಾರೆ. ಯಾಕೆಂದರೆ ಸಾಕಷ್ಟು ಬಾರಿ ಮನವಿ ಮಾಡಿದರು, ಮತ್ತೆ ಮತ್ತೆ ಕ್ಲಿಕ್ ಮಾಡಿ ಫೋಟೋ ಹಂಚಿಕೊಳ್ಳುತ್ತಿದ್ದಾರೆ ಎಂದು ಟ್ವೀಟ್ ಮಾಡಿದ್ದಾರೆ.
