ಮೊನ್ನೆಯಷ್ಟೇ ಒಡಿಶಾದಲ್ಲಿ ಮೂರು ಟ್ರೈನುಗಳು ಮುಖಾಮುಖಿಯಾಗಿ 280 ಸಾವು ಸಾವಿರಕ್ಕೂ ಹೆಚ್ಚು ಗಾಯಗಳಾಗಿತ್ತು. ಜನ ಆ ಘಟನೆಯಿಂದಾಗಿ ಇನ್ನು ಸುಧಾರಿಸಿಕೊಳ್ಳುತ್ತಿದ್ದಾರೆ. ಆದರೆ ಈ ಮಧ್ಯೆ ಅದೇ ಜಾಗದಲ್ಲಿ ಮತ್ತೊಂದು ಅಪಘಾತ ಸಂಭವಿಸಿದೆ. ಬರಘರ್ ನಲ್ಲಿ ಗೂಡ್ಸ್ ರೈಲು ಹಳಿ ತಪ್ಪಿ ಅಪಘಾತಕ್ಕೀಡಾಗಿದೆ.
ಅಪಘಾತಕ್ಕೀಡಾದ ರೈಲು ಲೈಂಮ್ಸ್ ಸ್ಟೋನ್ ಸಾಗಿಸುತ್ತಾ ಇತ್ತು ಎನ್ನಲಾಗಿದೆ. ಹಳಿ ತಪ್ಪಿದ ಪರಿಣಾಮ ರೈಲಿನ ಐದು ಬೋಗಿಗಳು ಹೊರಗೆ ಬಂದಿವೆ. ಸದ್ಯ ಈ ಅಪಘಾತದಿಂದಾಗಿ ಯಾವುದೇ ಸಾವು – ನೋವು ಸಂಭವಿಸಿಲ್ಲ. ಘಟನೆ ವಿಚಾರ ತಿಳಿಯುತ್ತಿದ್ದಂತೆ ಸ್ಥಳೀಯರು ಮತ್ತು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
ಓಡಿಶಾದಲ್ಲಿ ತ್ರಿವಳಿ ರೈಲು ಅಪಘಾತವಾದ ಮೇಲೆ ರೈಲಿನ ಬೋಗಿಗಳೆಲ್ಲಾ ಛಿದ್ರ ಛಿದ್ರವಾಗಿ ಬಿದ್ದಿದ್ದವು. ಇವತ್ತು ಎಲ್ಲವನ್ನು ತೆರವುಗೊಳಿಸಿ, ರೈಲು ಓಡಾಟಕ್ಕೆ ಅನುಮತಿ ನೀಡಲಾಗಿತ್ತು. ಇದರ ಬೆನ್ನಲ್ಲೇ ಮತ್ತೊಂದು ಅಪಘಾತವಾಗಿದೆ.
