ಡಾಲಿ ಧನಂಜಯ್ ನಿರ್ಮಿಸಿ, ನಟಿಸಿರುವ ಸಿನಿಮಾ ಹೆಡ್ ಬುಷ್ ರಾಜ್ಯಾದ್ಯಂತ ರಿಲೀಸ್ ಆಗಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಆದರೆ ಇದರ ನಡುವೆ ಸಿನಿಮಾದಲ್ಲಿ ವೀರಗಾಸೆ ವೇಷಧಾರಿಗೆ ಅವಮಾನವಾಗಿದ ಎಂದು ಹಿಂದೂಪರ ಸಂಘಟನೆಗಳು ಧ್ವನಿ ಎತ್ತಿವೆ. ವಾದ-ವಿವಾದ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ಬಡವರ ಮಕ್ಕಳು ಬೆಳಿಬೇಕ್ರಯ್ಯಾ ಎಂಬ ಪೋಸ್ಟ್ ವೈರಲ್ ಆಗುತ್ತಿದೆ.
ಸೋಷಿಯಲ್ ಮೀಡಿಯಾ ಇತ್ತಿಚೆಗೆ ಚರ್ಚಾ ವೇದಿಕೆಯಾಗಿದೆ. ಯಾವುದಾದರೂ ವಿವಾದ ಉಂಟಾದರೆ ಅದರ ಪರ ಮತ್ತು ವಿರೋಧಗಳು ಸೋಷಿಯಲ್ ಮೀಡಿಯಾದಲ್ಲಿ ಕೊಂಚ ಜೋರಾಗಿಯೇ ಆರಂಭವಾಗುತ್ತದೆ. ಡಾಲಿ ಧನಂಜಯ್ ಅವರ ಹೆಡ್ ಬುಷ್ ವಿವಾದವೂ ಅಷ್ಟೇ ಸ್ಟ್ರಾಂಗ್ ಆಗಿ ವಿವಾದಕ್ಕೆ ಒಳಗಾಗಿದೆ. ಪರ ವಿರೋಧ ಚರಚೆಗಳೂ ಸೋಷಿಯಲ್ ಮೀಡಿಯಾದಲ್ಲಿ ಜೋರಾಗಿದೆ.
ಅದರಲ್ಲೂ ಡಾಲಿ ಧನಂಜಯ್ ಅವರನ್ನು ಬೆಂಬಲಿಸುವ ಮನಸ್ಸುಗಳು ಬಡವರ ಮಕ್ಕಳು ಬೆಳಿಬೇಕು ಕಣ್ರಯ್ಯಾ ಎಂದು ಪೋಸ್ಟ್ ಹಾಕುತ್ತಿದ್ದಾರೆ. ತಮ್ಮ ಡಿಪಿಗಳನ್ನು ಚೇಂಜ್ ಮಾಡಿಕೊಂಡು, ಅದಕ್ಕೆ ಡಾಲಿ ಧನಂಜಯ್ ಫೋಟೋ ಜೊತೆಗೆ ಬಡವರ ಮಕ್ಕಳು ಬೆಳಿಬೇಕು ಕಣ್ರಯ್ಯಾ ಕ್ಯಾಪ್ಶನ್ ಕೂಡ ನೀಡಿದ್ದಾರೆ.
Newbie Techy