“ಅನೇಕ ಸಂಶೋಧನೆಯ ಬಳಿಕ ಸಿಕ್ಕಿದೆ ಉರಿಗೌಡ, ನಂಜೇಗೌಡ ಆಧಾರ್ ಕಾರ್ಡ್”..!

ಕೋಲಾರ: ಈ ರಾಜ್ಯ ರಾಜಕೀಯದಲ್ಲಿ ಉರಿಗೌಡ .ತ್ತು ನಂಜೇಗೌಡ ಎಂಬ ಹೆಸರು ಸಿಕ್ಕಾಪಟ್ಟೆ ಸದ್ದು ಮಾಡ್ತಾ ಇದೆ. ಅಶ್ವತ್ಥ್ ನಾರಾಯಣ್ ಅದ್ಯಾವಾಗ, ಉರಿಗೌಡ, ನಂಜೇಗೌಡ ಟಿಪ್ಪು ಕೊಂದಾಕಿದರು ಅಂತ ಹೇಳಿದರೋ ಅಂದಿನಿಂದ ಇವರ ಹೆಸರು ಹುಡುಕಾಟದಲ್ಲಿ ಮೊದಲ ಸ್ಥಾನದಲ್ಲಿದೆ. ಈಗ ಅವರಿಬ್ಬರ ಅಪ್ಪ – ಅಮ್ಮನ ಸಮೇತ ಆಧಾರ್ ಕಾರ್ಡ್ ವೈರಲ್ ಆಗ್ತಾ ಇದೆ.

ಸೋಷಿಯಲ್ ಮೀಡಿಯಾದಲ್ಲಿ ಇವರಿಬ್ಬರ ಆಧಾರ್ ಕಾರ್ಡ್, ವೋಟರ್ ಐಡಿ ಸೃಷ್ಡಿಸಿ ಗೇಲಿ ಮಾಡುತ್ತಿದ್ದಾರೆ. ಈ ನಕಲಿ ಐಡಿಗಳಲ್ಲಿ ತಾಯಿ ಅಶ್ವತ್ಥ್ ನಾರಾಯಣ್ ಹಾಗೂ ತಂದೆ ಸಿಟಿ ರವಿ ಎಂದು ಮುದ್ರಿಸಲಾಗಿದೆ. ಜೊತೆಗೆ ಹುಟ್ಟಿದ ಸ್ಥಳ ಮಲ್ಲೇಶ್ವರಂನಲ್ಲಿರುವ ಬಿಜೆಪಿ ಕಚೇರಿ ಎಂದು ಮುದ್ರಿಸಲಾಗಿದೆ.

ಈ ರೀತಿಯಾದಂತ ಐಡಿಗಳು ಸೋಷಿಯಲ್ ಮೀಡಿಯಾದಲ್ಲಿ ಎಲ್ಲಾ ಕಡೆ ಹರಿದಾಡುತ್ತಿದೆ. ಇತಿಹಾಸ ತಜ್ಞರಿಗೂ ಗೊತ್ತಿಲ್ಲದ ಈ ಉರಿಗೌಡ ಮತ್ತು ನಂಜೇಗೌಡ ಬಗ್ಗೆ ಒಂದಲ್ಲ ಒಂದು ಸುದ್ದಿ ಹರಿದಾಡುತ್ತಿದೆ.