ಇತ್ತೀಚೆಗೆ ವಿವಾದಕ್ಕೆ ಸಿಲುಕುತ್ತಿರುವ ಕೊಹ್ಲಿಗೆ ಪಾಕ್ ಮಾಜಿ ಕ್ರಿಕೆಟ್ ಆಟಗಾರನ ಸಲಹೆ ಏನು ಗೊತ್ತಾ..?

ದಕ್ಷಿಣ ಆಫ್ರಿಕಾ ಪ್ತವಾಸಕ್ಕೆ ಹೋಗುವ ಮುನ್ನ ವಿರಾಟ್ ಕೊಹ್ಲಿ ಸುದ್ದಿಗೋಷ್ಟಿ ನಡೆಸಿ ಹೊರ ಹಾಕಿದ ಅಸಮಾಧಾನ ಇನ್ನು ಕೂಡ ತಣ್ಣಗಾಗುತ್ತಿಲ್ಲ. ಒಂದಲ್ಲ ಒಂದು ವಿಚಾರಕ್ಕೆ ಬೂದಿ ಮುಚ್ಚಿದ ಕೆಂಡದಂತಾಗಿದೆ. ಇದೀಗ ಆ ವಿಚಾರಗಳನ್ನೆಲ್ಲಾ ಬದಿಗಿಡುವಂತೆ ಪಾಕ್ ಮಾಜಿ ಆಟಗಾರ ಸಲಹೆ ನೀಡಿದ್ದಾರೆ.

ಪಾಕಿಸ್ತಾನದ ಮಾಜಿ ಲೆಗ್ ಸ್ಪಿನ್ನರ್ ಡ್ಯಾನಿಶ್ ಕನೇರಿಯಾ ಕೊಹ್ಲಿಗೆ ಸಲಹೆಯೊಂದನ್ನ ಕೊಟ್ಟಿದ್ದಾರೆ. ಎರಡು ವರ್ಷಗಳಿಂದ ಶತಕ ಗಳಿಸಿಲ್ಲ. ಅನಗತ್ಯ ವಿಚಾರಗಳಿಗೆ ತಲೆ ಕೆಡಿಸಿಕೊಳ್ಳುವ ಬದಲು ಆಟದ ಕಡೆ ಗಮನ ಕೊಡಿ ಎಂದಿದ್ದಾರೆ.

ಸೌರವ್ ಗಂಗೂಲಿ ಅಥವಾ ಬೇರೆಯವರ ದಂತಕಥೆಗಳ ವಿರುದ್ಧ ಮಾತನಾಡುವುದರಿಂದ ಆಟ ಸುಧಾರಿಸುವುದಿಲ್ಲ. ವಿರಾಟ್ ಕೊಹ್ಲಿ ಅನಿಲ್ ಕುಂಬ್ಳೆ ಜೊತೆಗೂ ಮನಸ್ತಾಪ ಇತ್ತು. ಈಗ ಗಂಗೂಲಿ ಜೊತೆಯಾಗಿದೆ. ಕುಂಬ್ಳೆ ಹಾಗೂ ಗಂಗೂಲಿ‌ ಈಗಾಗಲೇ ಆಟದಲ್ಲಿ ಹೀರೋಗಳು ಎಂದು ಸಾಬೀತುಪಡಿಸಿದ್ದಾರೆ. ಈಗ ಕೊಹ್ಲಿ ಅನಗತ್ಯ ವಿವಾದಕ್ಕೆ ತಲೆಕೆಡಿಸಿಕೊಳ್ಳುವ ಬದಲು ಆಟದಲ್ಲಿ ತೋರಿಸಲಿ ಎಂದು ಸಲಹೆ ನೀಡಿದ್ದಾರೆ.