ಚಿತ್ರದುರ್ಗ : ನಗರದ ವಿದ್ಯಾ ವಿಕಾಸ ವಿದ್ಯಾ ಸಂಸ್ಥೆಯ, 2ನೇ ತರಗತಿಯ ವಿದ್ಯಾರ್ಥಿನಿ ಪೂರ್ವಿಕಾ.ಎಂ.ನೆಗಳಿ 36ನೇ ರಾಷ್ಟ್ರೀಯ ಸಬ್ ಜೂನಿಯರ್ ಕುರುಗಿ ಮತ್ತು 10ನೇ ರಾಷ್ಟ್ರೀಯ ಸಬ್ ಜೂನಿಯರ್ ಪೂರಿಸೆ” ಟೈಕೊಂಡೋ ಚಾಂಪಿಯನ್‍ಶಿಫ್ 2022-23ನೇ ಸಾಲಿನ ರಾಷ್ಟ್ರೀಯ ಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಿ ಬೆಳ್ಳಿ ಪದಕ (ದ್ವಿತೀಯ) ಪಡೆದಿದ್ದಾರೆ.
ಸ್ಪರ್ಧೆಯು ದಿನಾಂಕ : 28.03.2023 ರಿಂದ ದಿನಾಂಕ : 31.03.2023 ರವೆರೆಗೆ ರಾಜಾಸ್ಥಾನದ ಸ್ಪೋಟ್ರ್ಸ್ ಕಾಂಪ್ಲೆಕ್ಸ್ ವಿಶ್ವವಿದ್ಯಾಲಯ ಕೋಟಾದಲ್ಲಿ ನಡೆದ ಟೈಕೊಂಡೋ ಚಾಂಪಿಯನ್‍ಶಿಫ್ 2022-23ನಲ್ಲಿ ಸಬ್ ಜೂನಿಯರ್ 16 ವಿಭಾಗದಲ್ಲಿ ಭಾಗವಹಿಸಿ, ಬಹುಮಾನವನ್ನು ಪಡೆದು ಶಾಲೆಗೆ ಹಾಗೂ ರಾಜ್ಯಕ್ಕೆ ಕೀರ್ತಿ ತಂದಿದ್ದಾರೆ. ಶ್ರೀಮತಿ ಎಂ.ಅನಿತಾ ಈ ಕ್ರೀಡಾಪಟುವಿಗೆ ನಿರಂತರ ಅಭ್ಯಾಸ ನೀಡುವುದರ ಮೂಲಕ ಈ ಸಾಧನೆ ಮಾಡಲು ಸ್ಪೂರ್ತಿ ತುಂಬಿದ್ದಾರೆ.
ಈ ವಿದ್ಯಾರ್ಥಿನಿಗೆ ಸಂಸ್ಥೆಯ ಕಾರ್ಯದರ್ಶಿಗಳಾದ ಬಿ.ವಿಜಯ ಕುಮಾರ್, ಮತ್ತು ಸಂಸ್ಥೆಯ ಆಡಳಿತ ಮಂಡಳಿ ಹಾಗೂ ಎಲ್ಲಾ ಶಿಕ್ಷಕ/ಶಿಕ್ಷಕೇತರ ವೃಂದ ಶ್ಲಾಘಿಸಿ ಅಭಿನಂದಿಸಿರುತ್ತಾರೆ ಎಂದು ಶಾಲೆಯ ಮುಖ್ಯೋಪಾಧ್ಯಾಯರಾದ ಸಿ.ಡಿ. ಸಂಪತ್ ಕುಮಾರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
