ತುಮಕೂರು: ಗ್ಯಾಸ್ ಸಿಲಿಂಡರ್ ವಿಚಾರದಲ್ಲಿ ಹುಷಾರಾಗಿರಬೇಕಾಗುತ್ತದೆ. ಅದು ಮನೆಯೇ ಆಗಿರಬಹುದು, ವಾಣಿಜ್ಯ ಸ್ಥಳವೇ ಆಗಿರಬಹುದು. ಏನಾದರೂ ಬ್ಲಾಸ್ಟ್ ಆದರೆ ಅದರಿಂದಾಗುವ ತೊಂದರೆ ಅಷ್ಟಿಷ್ಟಲ್ಲ. ಇದೀಗ ತುಮಕೂರಿನಲ್ಲೂ ಅಂಥದ್ದೇ ಘಟನೆ ನಡೆದಿದೆ. ಆದರೆ ಅದೃಷ್ಟವಶಾತ್ ಯಾರಿಗೂ ಏನು ತೊಂದರೆಯಾಗಿಲ್ಲ.
ಜಿಲ್ಲೆಯ ಕೊರಟಗೆರೆ ತಾಲೂಕಿನ ತೋವಿನಕೆರೆಯಲ್ಲಿ ಗ್ಯಾಸ್ ಸ್ಪೋಟಗೊಂದ ಘಟನೆ ನಡೆದಿದೆ. ಹಾಲಿನ ಅಂಗಡಿಯಲ್ಲಿಟ್ಟಿದ್ದ ಸಿಲಿಂಡರ್ ಸ್ಪೋಟಗೊಂಡು ಧಗಧಗನೇ ಉರಿದಿದೆ. ಬೆಂಕಿ ನೋಡಿ ಸ್ಥಳೀಯರು ಆತಂಕಗೊಂಡಿದ್ದಾರೆ.
ಅದೃಷ್ಟವಶಾತ್ ಇವತ್ತು ಅಂಗಡಿಯ ರಜೆ ಮಾಡಲಾಗಿತ್ತು. ಸಿಂಡರ್ ಸ್ಪೋಟದ ಬಗ್ಗೆ ಇನ್ನು ಕಾರಣ ತಿಳಿದು ಬಂದಿಲ್ಲ. ಹೊತ್ತಿ ಉರಿದ ಅಂಗಡಿಯಲ್ಲಿ ವಸ್ತುಗಳು ನಾಶವಾಗಿದೆ. ಒಂದು ವೇಳೆ ಜನರೇನಾದರೂ ಅಂಗಡಿಯಲ್ಲಿದ್ದಿದ್ದರೆ ದೊಡ್ಡ ಅನಾಹುತವೇ ನಡೆದು ಹೋಗುತ್ತಿತ್ತೇನೊ. ಸದ್ಯ ಅಗ್ನಿ ಶಾಮಕ ದಳ ಸ್ಥಳಕ್ಕೆ ಆಗಮಿಸಿ, ಬೆಂಕಿ ನಂದಿಸಿದ್ದಾರೆ.
