ಬೆಂಗಳೂರು: ಸಿಲಿಕಾನ್ ಸಿಟಿ ಮಂದಿಗೆ ಮೆಟ್ರೋ ನೆಮ್ಮದಿಯ ಪ್ರಯಾಣ ಅಂತಾನೇ ಹೇಳಬಹುದು. ದೂರಕ್ಕೆ ಹೋಗುವವರಿಗೆ ಟ್ರಾಫಿಕ್ ಸಮಸ್ಯೆಯ ಅನ್ನೋದು ಭೂತವಾಗಿ ಕಾಡುತ್ತದೆ. ಗಂಟೆಗಟ್ಟಲೇ ಟ್ರಾಫಿಕ್ ನಲ್ಲಿಯೇ ಸಿಲುಕಬೇಕಾಗುತ್ತದೆ. ಆದರೆ ಈ ಟ್ರಾಫಿಕ್ ಸಮಸ್ಯೆಯಿಂದ ಕೊಂಚ ನೆಮ್ಮದಿ ಕೊಡಿಸಿದ್ದು ಮಾತ್ರ ನಮ್ಮ ಮೆಟ್ರೋ. ಪ್ರತಿದಿನ ಸಾವಿರಾರು ಮಂದಿ ಮೆಟ್ರೋದಲ್ಲಿ ಪ್ರಯಾಣ ಮಾಡುತ್ತಾರೆ. ಇದೀಗ ಮೆಟ್ರೋ ಪ್ರಯಾಣ ದರವನ್ನು ಏರಿಸಿ, ಪ್ರತಿದಿನ ಓಡಾಡುವವರಿಗೆ ಶಾಕ್ ನೀಡಿದೆ ಬಿಎಂಆರ್ಸಿಎಲ್.
ಇಂದಿನ ದರ ನಾಳೆ ಬದಲಾಗಲಿದೆ. ನಾಳೆ ಅಂದ್ರೆ ಫೆಬ್ರವರಿ 9 ರಿಂದ ದರ ಬದಲಾಗಲಿದೆ. ಹಾಗಾದ್ರೆ ದರ ನಾಳೆಗೆ ಎಷ್ಟು ಏರಿಕೆಯಾಗಲಿದೆ ಎಂಬ ಮಾಹಿತಿ ಇಲ್ಲಿದೆ ನೋಡಿ. ಕಿಲೋ ಮೀಟರ್ ಮೇಲೆ ದರ ಏರಿಕೆಯಾಗಿದೆ.
0-2 ಕಿಮೀಟರ್ ವರೆಗೆ ಸದ್ಯಕ್ಕೆ 10 ರೂಪಾಯಿ ಇದೆ. ಅದರ ದರ ಯಾವುದೇ ಏರಿಕೆಯಾಗಿಲ್ಲ. 2 ಕಿಲೋ ಮೀಟರ್ ವರೆಗೆ ಅದೇ ದರ ಇದೆ. ಉಳಿದಂತೆ 2-4 ಕಿ.ಮೀಗೆ 5 ರೂಪಾಯಿ ಹೆಚ್ಚಳವಾಗಿದೆ. 4-6 ಕಿ.ಮೀ 10 ರೂಪಾಯಿ ಏರಿಕೆಯಾಗಿದೆ. 6-8 ಕಿಮೀಗೆ 12 ರೂಪಾಯಿ, 8-10 ಕಿಮೀಗೆ 15 ರೂಪಾಯಿ, 10-15 ಕಿಮೀಗೆ 20 ರೂಪಾಯಿ, 15-20 ಕಿಮೀಗೆ 20 ರೂಪಾಯಿ, 20-25 ಕಿಮೀಗೆ 20 ರೂಪಾಯಿ, 25-30 ಕಿಮೀಗೆ 90 ರೂಪಾಯಿ ಹೆಚ್ಚಳವಾಗಿದೆ. ನಾಳೆಯಿಂದಾನೆ ಪರಿಷ್ಕೃತ ದರ ಜಾರಿಯಾಗಲಿದೆ. ಇನ್ನು ಸ್ಮಾರ್ಟ್ ಕಾರ್ಡ್ ಹೊಂದಿರುವವರಿಗೆ ಟಿಕೆಟ್ ದರದ ಮೇಲೆ ಶೇಕಡ 6ರಷ್ಟು ರಿಯಾಯಿತಿ ಸಿಗಲಿದೆ.
