ಶರಣರ ಗುಣ ಸಾವಿನಲ್ಲಿ ಕಾಣ ಅನ್ನೋ ಒಂದು ಮಾತಿದೆ. ಆ ಮಾತು ಸದ್ಯದ ಪರಿಸ್ಥಿತಿಯಲ್ಲಿ ಪುನೀತ್ ರಾಜ್‍ಕುಮಾರ್ ಅವರಿಗೆ ಅಪ್ಪಟವಾಗಿ ಒಪ್ಪುತ್ತೆ. ಯಾಕಂದ್ರೆ ಗೊತ್ತಿಲ್ಲದೆ ಅದೆಷ್ಟು ಸಹಾಯವನ್ನ ಮಾಡಿದ್ದಾರೆ ಅನ್ನೋದು ಒಂದೊಂದಾಗಿ ಈಗ ತೆರೆದುಕೊಳ್ಳುತ್ತಿದೆ. ಬಲಗೈಲಿ ಕೊಟ್ಟದ್ದು ಎಡಗೈಗೆ ಗೊತ್ತಾಗಬಾರದು ಎಂಬಂತಿದ್ದ ಅಪ್ಪು ಸಹಾಯಗಳು ಇದೀಗ ಅವರ ನಿಧನದ ಬಳಿಕ ಒಂದೊಂದಾಗಿಯೇ ಹೊರ ಬರುತ್ತಿವೆ.
ಹಳ್ಳಿ ಹೈದ ಪ್ಯಾಟೆಗ್ ಬಂದ್ ಖ್ಯಾತಿಯ ರಾಜೇಶ್ ಅವರ ಸಂಸಾರ ಸಾಗಿಸಲು ಬದುಕಿಲ್ಲ. ಅವರ ಸಂಸಾರ ನಡೆಯೋದು ಕಷ್ಟವಾಗಿದೆ. ಇಂಥ ಸಮಯದಲ್ಲಿ ದಿವಂಗತ ರಾಜೇಶ್ ಅವರ ತಂದೆಗೆ ಅನಾರೋಗ್ಯ ಕಾಡಿದಾಗ ಸಹಾಯಕ್ಕೆ ಬಂದದ್ದು ಇದೇ ಅಪ್ಪು ಕೊಟ್ಟ ಚಿನ್ನದ ಸರದ ಉಡುಗೊರೆ.
ಹೌದು ಜಂಗಲ್ ಜಾಕಿ ಸಿನಿಮಾದ ಚಿತ್ರೀಕರಣದ ವೇಳೆ ಅಪ್ಪು ಈ ಚಿನ್ನದ ಸರವನ್ನು ರಾಜೇಶ್ ಗೆ ನೀಡಿದ್ದರಂತೆ. ತಂದೆಗೆ ಹುಷಾರಿಲ್ಲದಿದ್ದಾಗ ಆ ಸರವನ್ನ ಅಡವಿಟ್ಟು ಆರೋಗ್ಯ ಸರಿ ಮಾಡಿಕೊಂಡಿದ್ದರಂತೆ. ಆದ್ರೆ ಮೊನ್ನೆ ಮೊನ್ನೆಯಷ್ಟೇ ಈ ಸರವನ್ನ ಕಾಂಗ್ರೆಸ್ ಯುವ ಕಾರ್ಯದರ್ಶಿ ನಿಖಿಲ್ ಅವರು ಬಿಡಿಸಿಕೊಟ್ಟಿದ್ದರಂತೆ. ಸರ ಬಿಡಿಸಿಕೊಟ್ಟ ಮೂರೇ ದಿನಕ್ಕೆ ಅಪ್ಪು ನಿಧನದ ಸುದ್ದಿ ಕೇಳಿ ಬಂದಿದೆ.
ಅಪ್ಪು ಅವರ ಸರವನ್ನ ಕಳೆದುಕೊಂಡದ್ದಕ್ಕೆ ನಮಗೆ ನೋವು ತಡೆಯಲಾಗಲಿಲ್ಲ. ಇನ್ನು ಅವರೇ ಇಲ್ಲವೆಂದರೆ ನಂಬೋದು ತಾನೇ ಹೇಗೆ ಎಂದು ಹಾಡಿ ಜನ ನೋವು ತೋಡಿಕೊಂಡಿದ್ದಾರೆ. ಅಪ್ಪು ಸಮಾಧಿ ನೋಡಿ ಕಣ್ಣೀರು ಸುರಿಸಿ, ಸಹಾಯವನ್ನ ನೆನೆದಿದ್ದಾರೆ.
Newbie Techy