ಬೆಂಗಳೂರು: ಇಂದು ವರನಟ ಡಾ.ರಾಜ್ ಕುಮಾರ್ ಅವರ 95ನೇ ವರ್ಷದ ಹುಟ್ಟುಹಬ್ಬ. ಅವರ ಅಭಿಮಾನಿಗಳು ರಾಜ್ಯಾದ್ಯಂತ ಈ ಸಂಭ್ರಮವನ್ನು ಆಚರಿಸುತ್ತಿದ್ದಾರೆ. ಸಮಾಜಮುಖಿ ಕೆಲಸಗಳನ್ನು ಮಾಡುತ್ತಾ, ಅಣ್ಣಾವ್ರ ಹುಟ್ಟುಹಬ್ಬವನ್ನು ಸಾರ್ಥಕ ಮಾಡುತ್ತಿದ್ದಾರೆ. ಅವರ ಅಭಿಮಾನಿಗಳಿಂದ ಪ್ರತಿ ವರ್ಷದಂತೆ ರಜ್ತದಾನ, ಅನ್ನದಾನದಂತ ಕೆಲಸಗಳು ನಡೆದಿವೆ.
ಇನ್ನು ಅಣ್ಣಾವ್ರ ಸಮಾಧಿಗೆ ರಾಜ್ ಕುಟುಂಬ ಬಂದು ಪೂಜೆ ಸಲ್ಲಿಸಿದೆ. ಕಂಠೀರವ ಸ್ಟುಡಿಯೋದಲ್ಲಿ ರಾಘವೇಂದ್ರ ರಾಜ್ ಕುಮಾರ್, ಮಂಗಳಾ ರಾಘವೇಂದ್ರ, ಲಕ್ಷ್ಮೀ ರಾಜ್ ಕುಮಾರ್, ಅಶ್ವಿನಿ ಪುನೀತ್ ರಾಜ್‍ಕುಮಾರ್, ವಂದಿತಾ ಪುನೀತ್ ರಾಜ್‍ಕುಮಾರ್ ಸೇರಿದಂತೆ ಹಲವರು ಭಾಗಿಯಾಗಿದ್ದರು. ಅಣ್ಣಾವ್ರ ಸಮಾಧಿಗೆ ಪೂಜೆ ಸಲ್ಲಿಸಿದರು.
ಈ ವೇಳೆ ಮಾತನಾಡಿದ ರಾಘವೇಂದ್ರ ರಾಜ್‍ಕುಮಾರ್, ಇವತ್ತು ಸ್ವಾತಿ ನಕ್ಷತ್ರ. ಅಪ್ಪಾಜಿ ಹುಟ್ಟಿದ ದಿನವೂ ಇದೇ ಆಗಿತ್ತು. ಹಿಂದೂ ಕ್ಯಾಲೆಂಡರ್ ಪ್ರಕಾರ ಅಪ್ಪಾಜಿ ನಿನ್ನೆ ಹುಟ್ಟಿದ್ದು. ಎಷ್ಟೋ ವರ್ಷಕ್ಕೆ ಒಮ್ಮೆ ಬರುವ ಅಪರೂಪದ ದಿನವಿದು. ಅಭಿಮಾನಿಗಳ ಪ್ರೀತಿನೇ ಇಂದು ನಮ್ಮನ್ನು ಉಳಿಸಿರುವುದು. ಜನರ ಜೈಕಾರಕ್ಕೆ ಅಪ್ಪಾಜಿ ಖುಷಿ ಪಡುತ್ತಾ ಇದ್ದರು. ಡಾಕ್ಟರ್ ರಾಜ್ ಕುಮಾರ್ ಎಂದರೆ ಅಪ್ಪಾಜಿಗೆ ಸಿಕ್ಕಾಪಟ್ಟೆ ಖುಷಿ. ಅಪ್ಪಾಜಿ ಅವರ ಆಶೀರ್ವಾದ ಎಲ್ಲರ ಮೇಲಿದೆ. ಅಪ್ಪಾಜಿ ಇಲ್ಲ ಅನ್ನೋಕೆ ಕಾತಣವೇ ಇಲ್ಲ. ಅವರ ಫೋಟೋ ನೋಡಿನೆ ನಾನು ದಿನ ಶುರು ಮಾಡುವುದು. ಎಲ್ಲರನ್ನು ಅಪ್ಪಾಜಿ ಮಳೆ ಬೆಳೆ ಬಗ್ಗೆ ಕೇಳುತ್ತಾ ಇದ್ದರು. ಈಗ ಮಳೆ ಆಗಲೇಬೇಕು ಎಂದು ಅಣ್ಣಾವ್ರ ಆ ದಿನಗಳನ್ನು ರಾಘವೇಂದ್ರ ರಾಜ್ ಕುಮಾರ್ ನೆನೆದಿದ್ದಾರೆ. ಅಭಿಮಾನಿಗಳೆಲ್ಲ ಸೇರಿ ಅಣ್ಣಾವ್ರ ಹುಟ್ಟು ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ.
Newbie Techy