ಎಲ್ಲಾ ಅಭಿಮಾನಿಗಳು ನೇತ್ರದಾನ ಮಾಡಿ : ಇದು ಅಪ್ಪು ಅಭಿಮಾನಿಯ ಪುಟ್ಟ ಕೋರಿಕೆ..!

ಕೊಪ್ಪಳ: ಎಲ್ಲಾ ಜಿಲ್ಲೆಗಳಲ್ಲು ಅಪ್ಪುಗೆ ಅಪಾರ ಅಭಿಮಾನಿ ಬಳಗವಿದೆ. ಅಪ್ಪು ಅಂದ್ರೆ ಚಿಕ್ಕ ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಅಚ್ಚು ಮೆಚ್ಚು. ಅಪ್ಪು ನಿಧನದ ಬಳಿಕ ಅಂಧರ ಬಾಳಿಗೆ ಬೆಳಕಾಗಿದ್ದಾರೆ. ಇದೀಗ ಅದೆಷ್ಟೋ ಅಭಿಮಾನಿಗಳ ಅವರ ಹಾದಿಯಲ್ಲೇ ಸಾಗಲು ಆರಂಭಿಸಿದ್ದಾರೆ. ಇದೀಗ ಪುಟ್ಟ ಬಾಲಕನೊಬ್ಬ ನಾನು ಕಣ್ಣು ದಾನ‌ ಮಾಡ್ತೀನಿ ಅಂತಿದ್ದಾನೆ.

ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ಪುನೀತ್ ರಾಜ್ ಕುಮಾರ್ ಅವರಿಗೆ ಪುಟ್ಟ ಅಭಿಮಾನಿಯೊಬ್ಬನಿದ್ದಾನೆ. ಆ ಬಾಲಕನ ಹೆಸರು ಚೇತನ ಇಂಗಳಗಿ. ಅಪ್ಪುವಿನ ಅಪ್ಪಟ ಅಭಿಮಾನಿ.

ಅಪ್ಪು ನಿಧನದ ಬಳಿಕ ಎರಡು ಕಣ್ಣುಗಳನ್ನು ದಾನ ಮಾಡಲಾಗಿದೆ. ಇದರಿಂದ ಪ್ರೇರಿತನಾದ ಬಾಲಕ ನಾನು ನೇತ್ರದಾನ ಮಾಡ್ತೀನಿ. ನೀವು ಕೂಡ ಮಾಡಿ ಎಂಬ ಮನವಿ ಮಾಡಿದ್ದಾನೆ. ಮನವಿಯ ವಿಡಿಯೋ ಈಗ ವೈರಲ್ ಆಗಿದೆ. ಅಪ್ಪು ಅಭಿಮಾನಿಗಳೆಲ್ಲಾ ನೇತ್ರದಾನ ಮಾಡಿ ಎಂದಿದ್ದಾನೆ.