ರಾಕಿಂಗ್ ಸ್ಟಾರ್ ಯಶ್ ಮುಂದಿನ ಸಿನಿಮಾಗಾಗಿ ಇಡೀ ಪ್ಯಾನ್ ಇಂಡಿಯಾ ಕಾಯ್ತಾ ಇದೆ. ಯಶ್ 19 ಯಾವಾಗ ಘೋಷಣೆಯಾಗುತ್ತೆ ಎಂಬ ಕುತೂಹಲವಿದೆ. ಅಷ್ಟೆ ಯಾಕೆ ಹೋದಲ್ಲಿ.. ಬಂದಲ್ಲಿ ಅಭಿಮಾನಿಗಳ ಪ್ರಶ್ನೆ ಇದೆ ಆಗಿದೆ. ಮೂಲಗಳ ಪ್ರಕಾರ ಇಷ್ಟರಲ್ಲಿಯೇ ಯಶ್ 19 ಅಪ್ಡೆಟ್ ಸಿಗುವ ಎಲ್ಲಾ ಸಾಧ್ಯತೆಗಳು ಇದೆ. ಇದರ ನಡುವೆ ಹೊಸ ಕಾರು ಖರೀದಿಸಿ, ಮಕ್ಕಳ ಸಮೇತ ಯಶ್ ದಂಪತಿ ಟ್ರಿಪ್ ಹೊರಟಿದ್ದಾರೆ.
ಸದ್ಯಕ್ಕೆ ಯಶ್ ಕೋಟಿ ಕೋಟಿ ರೂಪಾಯಿ ಮೌಲ್ಯದ ಕಾರು ಖರೀದಿ ಮಾಡಿದ್ದಾರೆ. ಸುಮಾರು 5 ಕೋಟಿ ಬೆಲೆಯ ರೇಂಜ್ ರೋವರ್ ಸ್ಪೆಷಲ್ ಕಾರೊಂದನ್ನು ಖರೀದಿಸಿದ್ದಾರೆ. ಹೊಸ ಕಾರು ಖರೀದಿಸಿದ ಖುಷಿಯಲ್ಲಿ ಮಕ್ಕಳು, ಪತ್ನಿ ಜೊತೆಗೆ ಒಂದು ರೌಂಡ್ ಹೊಡೆದಿದ್ದಾರೆ.
ಯಶ್ ಮೊದಲ ಕಾರು ಖರೀದಿ ಮಾಡಿದ್ದು, ಡ್ರಾಮಾ ಸಿನಿಮಾ ಬಳಿಕ. ಅವರ ಸಹೋದರಿ ಗಿಫ್ಟ್ ಮಾಡಿದ ಪಜೆರೋ ಸ್ಪೋರ್ಟ್ಸ್ ಕಾರು ಅವರ ಮೊದಲ ಕಾರಾಗಿತ್ತು. ಆದರೆ ಇದೀಗ ಒಂದಲ್ಲ ಎರಡಲ್ಲ ಬರೋಬ್ಬರಿ ಹತ್ತು ಕಾರಿನ ಒಡೆಯ ರಾಕಿಬಾಯ್. ಮರ್ಸಿಡೆಸ್ ಕಂಪನಿಯದ್ದೇ ಮೂರು ಕಾರುಗಳಿವೆ. ಟೊಯೊಟಾ ವೆಲ್ ಫೇರ್, ಫಾರ್ಚೂನಾರ್, ಇನ್ನೋವಾ ಸೇರಿದಂತೆ ಹಲವು ಕಂಪನಿಗಳ ಕಾರುಗಳ ರಾಕಿಬಾಯ್ ಗ್ಯಾರೇಜ್ ನಲ್ಲಿ ನಿಂತಿದೆ.
