ಮತ್ತೆ ಬಿಜೆಪಿಯೇ ಅಧಿಕಾರಕ್ಕೆ ಬರಲಿ ಎಂದು ಹರಕೆ ಸಲ್ಲಿಸಿದ ಗದಗ ಮುಸ್ಲಿಂ ವ್ಯಕ್ತಿ

ಗದಗ: ತಮ್ಮಿಷ್ಟದ ವ್ಯಕ್ತಿಗೆ ಗೆಲುವಾಗಲಿ, ತಮ್ಮಿಷ್ಟದ ಕೆಲಸ‌ ನೆರವೇರಲಿ ಅಂತ ದೇವರಿಗೆ ಹರಕೆ‌ ಕಟ್ಟಿಕೊಳ್ಳುವುದು ಸಹಜ. ಇಲ್ಲೊಬ್ಬ ಮುಸ್ಲಿಂ ವ್ಯಕ್ತಿ ಈ ಬಾರಿಯೂ ಬಿಜೆಪಿಯೇ ಅಧಿಕಾರಕ್ಕೆ ಬರಲಿ ಅಂತ ದೇವರಿಗೆ ಹರಕೆ ತೀರಿಸಿದ್ದಾರೆ. ರಾಮಂದಿರಕ್ಕೆ ದೀರ್ಘ ದಂಡ ನಮಸ್ಕಾರ ಹಾಕಿದ್ದಾನೆ.

ಇಲ್ಲಿನ ಬೆಟಗೇರಿಯ ನಿವಾಸಿ ಭಕ್ಷಿ ಎಂಬಾತ ಇಂಥದ್ದೊಂದು ವಿಶೇಷ ಹರಕೆಯನ್ನು ಕಟ್ಟಿಕೊಂಡಿದ್ದಾನೆ. ಹರಕೆ ಹೊತ್ತು, ದೇವರಿಗೆ ದೀರ್ಘ ದಂಡ ನಮಸ್ಕಾರವನ್ನು ಹಾಕಿದ್ದಾನೆ. ಭಕ್ಷಿ ಜೊತೆಗೆ ಮಂಜುನಾಥ್ ಎಂಬುವವರೂ ಕೂಡ ದೀರ್ಘ ದಂಡ ನಮಸ್ಕಾರ ಹಾಕಿದ್ದಾರೆ.

ಬಿಜೆಪಿ ಅಧಿಕಾರಕ್ಕೆ ಬರಬೇಕು ಎಂಬ ಆಸೆಯ ಜೊತೆಗೆ ಗದಗ ಕ್ಷೇತ್ರದ ಅಭ್ಯರ್ಥಿ ಅನಿಲ್ ಮೆಣಸಿನಕಾಯಿ ಅವರಿಗೂ ಗೆಲುವಾಗಬೇಕೆಂದು ದೇವರಲ್ಲಿ ಬೇಡಿಕೊಂಡಿದ್ದಾರೆ. ರಾಮಮಂದಿರದಿಂದ ಹಿಡಿದು ಆಂಜನೇಯ ದೇವಸ್ಥಾನದವರೆಗೂ ದೀರ್ಘದಂಡ ನಮಸ್ಕಾರ ಹಾಕಲಾಗಿದೆ. ಈ ಹರಕೆ ತೀರಿಸಲು ಹಲವಾರು ಕಾರ್ಯಕರ್ತರು, ಮುಖಂಡರು ಸಾಥ್ ನೀಡಿದ್ದಾರೆ.