ಚಿತ್ರದುರ್ಗ(ಮಾ.11): ನಗರದ ಎಸ್.ಜೆ.ಎಂ. ದಂತವೈದ್ಯಕೀಯ ಕಾಲೇಜಿಗೆ ರಾಜೀವಗಾಂಧಿ ಆರೋಗ್ಯ ವಿಶ್ವವಿದ್ಯಾಲಯದ ವತಿಯಿಂದ ನಡೆದ 2021-22ನೇ ಸಾಲಿನ ದಂತವೈದ್ಯಕೀಯ ಪರೀಕ್ಷೆಯಲ್ಲಿ 4 ರ್ಯಾಂಕ್ಗಳು ಲಭಿಸಿವೆ.
![](https://suddione.com/content/uploads/2024/07/aramane-sweet.webp)
ಡಾ|| ಪ್ರೀತಿ ಪಿಸ್ಸೆ ಅಂತಿಮ ವರ್ಷದ ಪರೀಕ್ಷೆಯಲ್ಲಿ 7ನೇ ರ್ಯಾಂಕ್ ಗಳಿಸಿದ್ದು, ವಿವಿಧ ವಿಭಾಗಗಳಿಗೆ ಸಂಬಂಧಿಸಿದಂತೆ ಪ್ರಿ-ಕ್ಲಿನಿಕಲ್, ಕನ್ಸರ್ವೇಟಿವ್ ವಿಭಾಗದಲ್ಲಿ 1ನೇ ರ್ಯಾಂಕ್, ಪೆರಿಯೋಡೆಂಟಲಾಜಿ ವಿಭಾಗದಲ್ಲಿ 2ನೇ ರ್ಯಾಂಕ್, ಪ್ರಾಸ್ಥೋಡೆಂಟಿಕ್ ವಿಭಾಗದಲ್ಲಿ 5ನೇ ರ್ಯಾಂಕ್, ಕನ್ಸರ್ವೇಟಿವ್ ಡೆಂಟಿಸ್ಟ್ರಿ ವಿಭಾಗದಲ್ಲ್ಲಿ 1ನೇ ರ್ಯಾಂಕ್ ಹಾಗೂ ಓರಲ್ ಮತ್ತು ಮ್ಯಾಕ್ಸಿಲೋಪೇಷಿಯಲ್ ವಿಭಾಗದಲ್ಲಿ 9ನೇ ರ್ಯಾಂಕ್ ಗಳಿಸಿದ್ದಾಳೆ.
![](https://suddione.com/content/uploads/2024/08/mahesh-motors.webp)
ಅಂತಿಮ ವರ್ಷದ 19 ವಿದ್ಯಾರ್ಥಿಗಳು ಮತ್ತು ದ್ವಿತೀಯ ವರ್ಷದ 50 ವಿದ್ಯಾರ್ಥಿಗಳು ವಿಷಯವಾರು ರ್ಯಾಂಕ್ ಗಳಿಸಿದ್ದಾರೆ ಎಂದು ಕಾಲೇಜಿನ ಪ್ರಾಚಾರ್ಯರಾದ ಡಾ. ಆರ್. ಗೌರಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.