ಬೆಂಗಳೂರು: ಸದ್ಯ ಚಾಮರಾಜಪೇಟೆ ಜಮೀರ್ ಅಹ್ಮದ್ ಖಾನ್ ಪ್ರತಿನಿಧಿಸುತ್ತಿರುವ ಕ್ಷೇತ್ರವಾಗಿದೆ. ಜಮೀರ್ ಅಹ್ಮದ್ ಚಾಮರಾಜಪೇಟೆಯಲ್ಲಿ ಗುರುತಿಸಿಕೊಂಡಿದ್ದಾರೆ. ಆದ್ರೆ ಈ ಬಾರಿ ಅಂದ್ರೆ 2023ರ ಚುನಾವಣೆಯಲ್ಲಿ ಮಾಜಿ ರೌಡಿ ಸೈಲೆಂಟ್ ಸುನಿ ಈ ಕ್ಷೇತ್ರದಿಂದ ಸ್ಪರ್ಧೆ ನಡೆಸಲು ಸಿದ್ಧವಾಗಿದ್ದಾರೆ. ಸ್ಪರ್ಧೆಯ ಬಗ್ಗೆ ಅಧಿಕೃತವಾಗಿ ಘೋಷಣೆ ಮಾಡಿದ್ದಾರೆ.
ಸಾರ್ವಜನಿಕ ಬದುಕಿಗೆ ಎಂಟ್ರಿ ಕೊಟ್ಟಿರುವ ಸೈಲೆಂಟ್ ಸುನಿಗೆ ಬಿಜೆಪಿ ನಾಯಕರು ಶುಭಕೋರಿದ್ದಾರೆ ಎನ್ನಲಾಗುತ್ತಿದೆ. ಪಕ್ಷೇತರ ಅಭ್ಯರ್ಥಿಯಾಗಿ ಚುನಾವಣಾ ಅಖಾಡಕ್ಕೆ ಇಳಿಯಲಿದ್ದಾರೆ. ಇದರ ಅಂಗವಾಗಿ ಡಾ. ಪುನೀತ್ ರಾಜ್‍ಕುಮಾರ್ ಅವರ ಪುಣ್ಯಸ್ಮರಣೆಯ ದಿನ ಸೈಲೆಂಟ್ ಸುನಿ ಹಾಗೂ ಮಾರ್ಕೇಟ್ ವೇಡಿ ನೇತೃತ್ವದಲ್ಲಿ ರಕ್ತದಾನ ಶಿಬಿರವನ್ನು ನಡೆಸಿದ್ದರು.
ಇದೇ ವೇಳೆ ವೇದಿಕೆ ಏರಿ ಕೂಡ ಮಾತನಾಡಿದ್ದ ಸೈಲೆಂಟ್ ಸುನಿ, ನನಗೆ ವೇದಿಕೆ ಮೇಲೆ ಮಾತನಾಡುವುದಕ್ಕೆ ಭಯವಿದೆ. ಏನು ಮಾತನಾಡಬೇಕು ಅಂತ ತಿಳಿಯಲ್ಲ. ಮುಂದೆ ಸಮಯ ಸಿಕ್ಕಾಗ ನಿಮ್ಮ ಜೊತೆಗೆ ಮಾತನಾಡುತ್ತೀನಿ ಅಂತ ಹೇಳಿ ಮಾತು ಮುಗಿಸಿದ್ದರು. ಆದ್ರೆ ಇದೀಗ ಮಾತನಾಡಿದ್ದು, ಚುನಾವಣಾ ಅಖಾಡಕ್ಕೆ ಧುಮ್ಮುಕ್ಕಿದ್ದಾರೆ.
