ಮಳವಳ್ಳಿ ಬಾಲಕಿ ಕುಟುಂಬಕ್ಕೆ ನಿಖಿಲ್ ಕುಮಾರಸ್ವಾಮಿ 50 ಸಾವಿರ ನೆರವು

ಮಂಡ್ಯ: ಟ್ಯೂಷನ್ ಗೆ ಅಂತ ಹೋಗಿದ್ದ 10 ವರ್ಷದ ಬಾಲಕಿಯನ್ನು ಅತ್ಯಾಚಾರ ಮಾಡಿ ಕೊಲೆ ಮಾಡಲಾದ ಹೃದಯ ಕಲಕುವ ಘಟನೆ ಜಿಲ್ಲೆಯ ಮಳವಳ್ಳಿಯಲ್ಲಿ ನಡೆದಿದೆ. ಮಗಳ ಮೇಲೆ ಸಾವಿರ ಕನಸು ಕಂಡಿದ್ದ ಪೋಷಕರಿಗೆ ಇದು ಅರಗಿಸಿಕೊಳ್ಳಲು ಆಗದಂತ ಆಘಾತವೇ ಸರಿ. ದುಃಖದಲ್ಲಿರುವ ಮಥರ ಬಾಲಕಿಯ ಪೋಷಕರನ್ನು ಜೆಡಿಎಸ್ ಯುವ ಘಟಕದ ಅಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ ಭೇಟಿ ಮಾಡಿ, ಸಾಂತ್ವಾನ ನೀಡಿದ್ದಾರೆ.

ಮನೆಯವರನ್ನು ಭೇಟಿಯಾದ ನಿಖಿಲ್ ಕುಮಾರಸ್ವಾಮಿ ಸಾಂತ್ವಾನ ಹೇಳಿದ್ದಾರೆ. 50 ರೂಪಾಯಿ ಸಹಾಯ ಧನ ನೀಡಿದ್ದಾರೆ. ಆರೋಪಿಗೆ ತಕ್ಕ ಶಿಕ್ಷೆಯಾಗಬೇಕು ಎಂದು ಒತ್ತಾಯಿಸಿದ್ದಾರೆ. ಆರೋಪಿಗೆ ತಕ್ಕ ಶಿಕ್ಷೆಯಾಗುವ ಭರವಸೆ ನೀಡಿದ್ದಾರೆ. ಇದು ಇಡೀ ದೇಶ, ರಾಜ್ಯ ತಲೆತಗ್ಗಿಸುವಂತ ವಿಚಾರ. ಈ ಕೃತ್ಯ ಮಾಡಿದವನನ್ನು ಗಲ್ಲಿಗೇರಿಸಬೇಕು. ಪೋಷಕರ ಜೊತೆಗೆ ನಾವೂ ನಿಲ್ಲುತ್ತೇವೆ. ಇದರ ವಿರುದ್ಧ ಪಕ್ಷಾತೀತವಾಗಿ ಹೋರಾಟ ಮಾಡಬೇಕು ಎಂದಿದ್ದಾರೆ.

ಈ ವಿಚಾರದಲ್ಲಿ ರಾಜಕೀಯ ಬೇಡ. ಆರೋಪಿ ಜೈಲಿಗೆ ಹೋಗಿ ಐದಾರು ವರ್ಷ ಇದ್ದು ಬರುತ್ತಾನ. ಅಲ್ಲಿ ಅವನಿಗೆ ಮೂರೊತ್ತು ಒಳ್ಳೆ ಊಟ-ತಿಂಡಿ ಕೊಡುತ್ತಾರೆ. ಆರೋಪಿ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕು. ಇದರ ವಿರುದ್ಧ ನಮ್ಮ ಹೋರಾಟ ನಡೆಯುತ್ತೆ ಎಂದಿದ್ದಾರೆ. ಇನ್ನು ಮೃತ ಬಾಲಕಿಯ ತಂದೆ ತಾಯಿ ನಿಖಿಲ್ ಕಾಲಿಗೆ ಬಿದ್ದು, ಆರೋಪಿಗೆ ಶಿಕ್ಷೆಯಾಗಲಿ ಎಂದಿದ್ದಾರೆ.