ಸ್ವಯಂ ಘೋಷಿತ ದೇವಮಾನವ ನಿತ್ಯಾನಂದ ಸದ್ಯ ಕೈಲಾಸದಲ್ಲಿ ಹಾಯಾಗಿ ವಾಸವಾಗಿರುವುದು ಎಲ್ಲರಿಗೂ ತಿಳಿದ ಸಂಗತಿಯಾಗಿದೆ. ಇದೀಗ ತಮ್ಮ ಕೈಲಾಸಕ್ಕೆ ಗರ್ಭಿಣಿಯರನ್ನು ಆಹ್ವಾನಿಸಲಾಗಿದೆ. ಅಲ್ಲಿಯೇ ಜನನವಾದ ಮಗುವಿಗೆ ಪ್ರಕಾಶಮಾನವಾದ ಶಕ್ತಿಯೊಂದನ್ನು ನೀಡಲಿದ್ದಾರಂತೆ.
ಈ ಬಗ್ಗೆ ವಿಡಿಯೋ ರಿಲೀಸ್ ಮಾಡಿರುವ ನಿತ್ಯಾನಂದ, ಕೈಲಾಸದಲ್ಲಿ ಇಡೀ ಬ್ರಹ್ಮಾಂಡಕ್ಕಾಗಿಯೇ ಮೀಸಲಾಗಿರುವ ಶಾಶ್ಚತ ಮತ್ತು ಹೆರಿಗೆ ಆಸ್ಪತ್ರೆಯನ್ನು ಸದ್ಯದಲ್ಲಿಯೇ ನಿರ್ಮಿಸಲಾಗುವುದು. ಇಲ್ಲಿ ಹೆರಿಗೆಯಾಗುವ ಪ್ರತಿ ಮಗುವಿಗೂ ಪ್ರಬುದ್ಧವಾದಂತಹ, ಅಲೌಕಿಕವಾದಂತಹ ಪ್ರಕಾಶಮಾನವಾದ ಶಕ್ತಿಯುಳ್ಳ ಡಿಎನ್ಎ ಒಲಿಯುತ್ತದೆ.
ಅಷ್ಟೇ ಅಲ್ಲ ಬ್ರಹ್ಮಜ್ಞಾನವುಳ್ಳ ಅನುವಂಶೀಯ ಕೋಡ್ ಅನ್ನು ನೀಡಲಾಗುತ್ತದೆ. ನೀವೂ ಎಲ್ಲೆ ಇರಿ, ಯಾವ ದೇಶದಲ್ಲಿಯೇ ಇರಿ. ಅಲ್ಲಿಯೇ ಗರ್ಭಿಣಿಯಾಗಿರಿ. ಆದರೆ ಹೆರಿಗೆಗೆಂದು ಕೈಲಾಸಕ್ಕೆ ಬಂದು ಮಗುವಿಗೆ ಹಲವು ಪ್ರಯೋಜನಗಳನ್ನು ಪಡೆಯಿರಿ ಎಂದಿದ್ದಾರೆ.
Newbie Techy