ಆಯುಧ ಪೂಜೆಯಲ್ಲಿ ರಸ್ತೆಗೆ ದುರ್ಗೆಯನ್ನು ಕರೆತಂದು ಅಧಿಕಾರಿಗಳಿಗೆ ಬಿಸಿ ಮುಟ್ಟಿಸಿದ ಸ್ಥಳೀಯರು..!

ಇವತ್ತು ನಾಡಿನೆಲ್ಲೆಡೆ ಆಯುಧ ಪೂಜೆ ನಡೆಯುತ್ತಿದೆ. ಈ ಆಯುಧ ಪೂಜೆಯ ದಿನ ಹುಬ್ಬಳ್ಳಿ ಧಾರವಾಡ ಜನ ವಿಭಿನ್ನ ರೀತಿಯಲ್ಲಿ ಅಧಿಕಾರಿಗಳಿಗೆ ಬಿಸಿ ಮುಟ್ಟಿಸಿದ್ದಾರೆ. ಸ್ಮಾರ್ಟ್ ಸಿಟಿ ಹೆಸರಲ್ಲಿ ರಸ್ತೆಯನ್ನು ಸಂಪೂರ್ಣವಾಗಿ ಹಾಳು ಮಾಡಲಾಗಿದೆ. ರಸ್ತೆಯಲ್ಲಿ ವಾಹನ ಸವಾರರು ಓಡಾಡುವುದಕ್ಕೂ ಸಾಕಷ್ಟು ಸಮಸ್ಯೆಗಳು ಎದುರಾಗುತ್ತಿದೆ. ಹೀಗಾಗಿ ಕೋಪಗೊಂಡ ಸ್ಥಳೀಯರು ವಿಭಿನ್ನ ರೀತಿಯಲ್ಲಿ ರಸ್ತೆಯ ಅವ್ಯವಸ್ಥೆಯನ್ನು ಸಾರಿದ್ದಾರೆ.

ಮೂಲಭೂತ ವಂಚಿತ ರಸ್ತೆಯಲ್ಲಿ ದುರ್ಗಾಮಾತೆಯನ್ನು ಕರೆದೊಯ್ದಿದ್ದಾರೆ. ಕೆಸರು ತುಂಬಿಕೊಂಡು ಗುಂಡಿ ಇದೆಯಾ ರಸ್ತೆ ಇದೆಯಾ ಎಂಬುದೇ ತಿಳಿಯುವುದಿಲ್ಲ. ಇಂಥ ರಸ್ತೆಯಲ್ಲಿ, ಹರ್ಷಿತಾ ಮೆಹರವಾಡೆ ಎಂಬ ಬಾಲಕಿಗೆ ದುರ್ಗಾ ಮಾತೆಯ ವೇಶ ಹಾಕಿಸಿ, ರಸ್ತೆಗೆ ಕರೆದೊಯ್ದಿದ್ದಾರೆ.

ಕೆಸರು ತುಂಬಿದ ರಸ್ತೆಯಲ್ಲೆಲ್ಲಾ ಮೆರವಣಿಗೆ ಮಾಡಿದ್ದಾರೆ. ಗುಂಡಿ ಮುಚ್ಚಿದ ರಸ್ತೆಯಲ್ಲಿ ದೇವರು ನಡೆದುಕೊಂಡು ಬರುತ್ತಿದ್ದಾರೆ ಎಂಬುದಾಗಿ ವಿಡಿಯೋ ಮಾಡಿ ಎಲ್ಲೆಡೆ ಹರಿಬಿಟ್ಟಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ.