ನನ್ನಮ್ಮ ಸೂಪರ್ ಸ್ಟಾರ್ ನಲ್ಲಿ ಅಮೃತಾ ಮತ್ತು ಅವರ ಮಗಳು ಸಾಕಷ್ಟು ಖ್ಯಾತಿ ಪಡೆದಿದ್ದರು. ಅಮೃತಾಗೆ ಗಂಡು ಮಗು ಜನಿಸಿದ್ದು, ಎಲ್ಲರು ತಾಯಿ ಮಗುವಿಗಾಗಿ ಹಾರೈಸಿದ್ದಾರೆ. ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಸಂತಸದ ವಿಚಾರವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಇತ್ತಿಚೆಗೆ ಅಮೃತಾ ಬಾಳಲ್ಲಿ ಕರಾಳ ಘಟನೆ ನಡೆದಿತ್ತು. ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ನನ್ನಮ್ಮ ಸೂಪರ್ ಸ್ಟಾರ್ ಶೋನಲ್ಲಿ ಅಮ್ಮ ಮಗಳು ಭಾಗವಹಿಸಿದ್ದರು. ಮಗಳು ಸಮನ್ವಿ ಅಂತು ಎಲ್ಲರ ಅಚ್ಚುಮೆಚ್ಚಾಗಿದ್ದಳು. ಆದರೆ ದುರಾದೃಷ್ಟವಶಾತ್ ಅಮೃತಾ ಜೊತೆಗೆ ಗಾಡಿಯಲ್ಲಿ ಹೋಗುವಾಗ ಅಪಘಾತ ಸಂಭವಿಸಿ, ಸಮನ್ವಿ ತೀರಿಕೊಂಡಿದ್ದಳು.
ಸಮನ್ವಿ ತೀರಿಕೊಂಡ ಬಳಿಕ ಅಮೃತಾ ಅಕ್ಷರಶಃ ಮೌನವಾಗಿಬಿಟ್ಟಿದ್ದರು. ಆಗ ಗರ್ಭಿಣಿ ಕೂಡ. ಒಂದು ಕಡೆ ಮಗಳ ಸಾವಿನ ಆಘಾತ ಮತ್ತೊಂದು ಕಡೆ ಇನ್ನೊಂದು ಜೀವಕ್ಕಾಗಿ ಆರೋಗ್ಯವನ್ನು ಕಾಪಾಡಿಕೊಳ್ಳಲೇಬೇಕಾದ ಸ್ಥಿತಿ. ಸದ್ಯ ಎಲ್ಲಾ ಸಮಸ್ಯೆಗಳು ಕಳೆದು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ ಮಗು ಆರೋಗ್ಯವಾಗಿರುವ ಬಗ್ಗೆಯೂ ಮಾಹಿತಿ ಹಂಚಿಕೊಂಡಿದ್ದಾರೆ.
Newbie Techy