ನಟಿ ಅಮ್ರಿನಾ ಭಟ್ ಹತ್ಯೆ ಮಾಡಿದ್ದ ಇಬ್ಬರು ಉಗ್ರರ ಎನ್ಕೌಂಟರ್..!

ಜಮ್ಮು ಕಾಶ್ಮೀರ: ಕಲಾವಿದೆ ಎಂಬ ಕಾರಣಕ್ಕೆ , ಅಮ್ರಿನಾ ಭಟ್ ಮನೆಗೆ ನುಗ್ಗಿ ಗುಂಡಿಕ್ಕಿ ಕೊಂದಿದ್ದ ಉಗ್ರರನ್ನು ಇಂದು ಎನ್ಕೌಂಟರ್ ಮಾಡಲಾಗಿದೆ. ಪುಲ್ವಾಮಾ ಜಿಲ್ಲೆಯ ಆವಂತಿಪುರ ಪ್ರದೇಶದಲ್ಲಿ ಎನ್ಕೌಂಟರ್ ಮಾಡಿ ಸಾಯಿಸಲಾಗಿದೆ.

ಶಾಕಿರ್ ಅಹ್ಮದ್ ವಾಜಾ ಮತ್ತು ಅಫ್ರಿನ್ ಅಫ್ತಾದ್ ಮಲ್ಲಿಕ್ ಎನ್ಕೌಂಟರ್ ಗೆ ಬಲಿಯಾದ ಉಗ್ರರು. ಜಮ್ಮು ಕಾಶ್ಮೀರ ಭದ್ರತಾ ಪಡೆಯ ಸೈನಿಕರು ಗುಂಡಿನ ದಾಳಿ ನಡೆಸಿ ಉಗ್ರರ ಹತ್ಯೆ ಮಾಡಲಾಗಿದೆ.

ಅಮ್ರಿನಾ ಭಟ್ ಕಿರುತೆರೆ ನಟಿಯಾಗಿದ್ದವರು. ಇಸ್ಲಾಂ ಧರ್ಮದಲ್ಲಿ ನಟನೆ ಮಾಡುವಂತಿಲ್ಲ ಎಂದು ಉಗ್ರರು ಆಕೆಯ ಮನೆಯ ಮೇಲೆ ದಾಳಿ ನಡೆಸಿದ್ದರು. ಅಮ್ರಿನಾಗೂ ಗುಂಡು ಹಾರಿಸಿದ್ದರು. ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ಯುವ ಮಾರ್ಗಮಧ್ಯೆಯೆ ಸಾವನ್ನಪ್ಪಿದ್ದಳು. ಆಕೆಯ ಸೋದರ ಗಾಯಗೊಂಡಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ.