ನಿಮಗೆ ಕಲ್ಲಿನ ಮಕ್ಕಳೆನ್ನುತ್ತಾರೆ, ಈಗ ಮಣ್ಣಿನ ಮಕ್ಕಳೆಂದು ಬಿಂಬಿಸಿಕೊಳ್ತಿದ್ದೀರಿ : ಡಿಕೆ ಬ್ರದರ್ಸ್ ಗೆ ಕುಮಾರಸ್ವಾಮಿ ಟಾಂಗ್

ಮೈಸೂರು: ಮಣ್ಣಿನ ಮಕ್ಕಳ ಕಾಂಗ್ರೆಸ್ ನಾಯಕರ ಹೇಳಿಕೆ ವಿಚಾರಕ್ಕೆ ಸಂಬಂಧಿಸಿದಂತೆ ಮಾಜಿ ಸಿಎಂ ಕುಮಾರಸ್ವಾಮಿ ಖಡಕ್ ಟಾಂಗ್ ಕೊಟ್ಟಿದ್ದಾರೆ. ನಿಮಗೆ ಕಲ್ಲಿನ ಮಕ್ಕಳೆಂದು ಕರೆಯುತ್ತಾರೆ. ಆದ್ರೆ ನೀವೂ ಈಗೀಗ ಮಣ್ಣಿನ ಮಕ್ಕಳೆನ್ನಿಸಿಕೊಳ್ಳಲು ಹೊರಟಿದ್ದೀರಿ ಎಂದಿದ್ದಾರೆ.

ಮೇಕೆದಾಟು ಎರಡನೇ ಹಂತದ ಪಾದಯಾತ್ರೆಗೆ ಕಾಂಗ್ರೆಸ್ ಎಲ್ಲಾ ಸಿದ್ಧತೆಗಳನ್ನ ನಡೆಸಿಕೊಳ್ಳುತ್ತಿದ್ದು, ಎರಡನೇ ಹಂತದ ಪಾದಯಾತ್ರೆ ಯಾಕೆ ಬೇಕಿತ್ತು. ನೀವೇ ಮಣ್ಣಿನ ಮಕ್ಕಳೆಂದು ಬೋರ್ಡ್ ಹಾಕಿಕೊಂಡು ಹೋಗಿ. ಆದ್ರೆ ನಾವೆಂದು ಮಣ್ಣಿನ ಮಕ್ಕಳೆಂದು ಬೋರ್ಡ್ ಹಾಕಿ ಹೋದವರಲ್ಲ. ಜನ ನಮ್ಮನ್ನ ಹಾಗೆ ಕರೆಯುತ್ತಾರೆ.

ಕಲಾಪಕ್ಕೆ ಜೆಡಿಎಸ್ ನಿಂದ ಅಡ್ಡಿಯಾದ ಉದಾಹರಣೆಯೇ ಇಲ್ಲ. ಸಿದ್ದರಾಮಯ್ಯ ಸಿಎಂ ಆಗಿದ್ದಾಗಲೂ ಸಹಕರಿಸಿದ್ದೇವೆ. ಆಗ ಕಲ್ಲಪ್ಪ, ಗಣಪತಿ ಸಾವು ಸೇರಿದಂತೆ ಹಲವು ವಿಚಾರಗಳು ಬಂದಿದ್ದವು. ಆದ್ರೆ ಕಲಾಪಕ್ಕೆ ನಾವೂ ಅಡ್ಡಿ ಮಾಡಲೇ ಇಲ್ಲ. ಕಲಾಪ ಮುಖ್ಯ ನಮಗೆ ಎಂದಿದ್ದಾರೆ.