ಮತ್ತೆ ಸಚಿವಕಾಂಕ್ಷಿಯಾದ್ರಾ ಆರ್ ಶಂಕರ್..?

ಹಾವೇರಿ: ಸಂಪುಟ ಪುನರಚನೆ ಕಡೆಗೆ ಎಲ್ಲರ ಚಿತ್ತ ನೆಟ್ಟಿದೆ. ಈ ಬಾರಿಯಾದ್ರೂ ನಮಗೆ ಸಚಿವ ಸ್ಥಾನ ಸಿಗುತ್ತಾ ಎಂಬುದು ಕೆಲವರ ಚಿಂತೆಯಾದ್ರೆ, ಇನ್ನು ಕೆಲವರು ಸಚಿವ ಸ್ಥಾನಕ್ಕೆ ಸಾಕಷ್ಟು ಲಾಬಿ ಮಾಡುತ್ತಿದ್ದಾರೆ. ಈ ಮಧ್ಯೆ ಆರ್ ಶಂಕರ್ ಮತ್ತೆ ನಮಗೆ ಸಚಿವ ಸ್ಥಾನ ಸಿಗುತ್ತೆ ಎಂಬ ಆತ್ಮವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಈ ಬಾರಿ ಸಂಪುಟ ಪುನರ್ ರಚನೆಯಲ್ಲಿ ಯಾವುದೇ ಕಾರಣಕ್ಕೂ ನನ್ನ ಕೈ ಬಿಡಲ್ಲ. ಮೊನ್ನೆ ಕೆಲ ಕಾರಣದಿಂದಷ್ಟೇ ನಿಮ್ಮ ಹೆಸರು ಕೈ ಬಿಟ್ಟಿದ್ದು. ಈ ಬಾರಿ ಹಾಗೇ ಆಗಲ್ಲ ಎಂದು ಸಿಎಂ ಹೇಳಿದ್ದಾರೆ ಎಂದು ಆರ್ ಶಂಕರ್ ಹೇಳಿದ್ದಾರೆ.

ಮೊನ್ನೆ ಸಿಎಂ ಭೇಟಿ ಮಾಡಿದ್ದೇನೆ. ಈ ಸಾರಿ ಕನ್ಸಿಡರ್ ಮಾಡ್ತೀನಿ ಅಂತಾ ಹೇಳಿದ್ದಾರೆ. ಈ ಬಾರಿ ಖಂಡಿತಾ ವಿಶ್ವಾಸ ಇದೆ ನನಗೆ ಇದೆ. ನಿಮಗೂ ಹಾಗೂ ಶ್ರಿಮಂತ ಪಾಟೀಲ್ ಅವರನ್ನ ಕೈ ಬಿಡಲ್ಲ. ನಮಗೆ ಆ ನಂಬಿಕೆ ಇದೆ ಅವರು ಹೇಗೆ ನಿರ್ಣಯ ತೆಗೆದುಕೊಳ್ಳುತ್ತಾರೋ ಅದರಂತೆ ನಡೆದುಕೊಳ್ಳುತ್ತೇನೆ. ನಾನು ಪಕ್ಷ ಹೇಳಿದಂತೆ ನಡೆದುಕೊಳ್ಳುತ್ತೇನೆ. ಈಗ ಅದು ಸದ್ಯಕ್ಕೆ ಬೇಡ. ಮತ್ತೆ ಸಚಿವ ಸ್ಥಾನ ಸಿಗಲಿಲ್ಲ ಎಂಬ ಪ್ರಶ್ನೆಗೆ ಉತ್ತರ. ಈಗಾಗಲೇ ಸಾಕಷ್ಟು ಬಾರಿ ನೆಗಟಿವ್ ಆಗಿದೆ. ಈ ಸಾರಿ ಪಾಸಿಟಿವ್ ಆಗುತ್ತೆ ಎಂದಿದ್ದಾರೆ.