ಬೆಂಗಳೂರು: ಡಿಕೆ ಶಿವಕುಮಾರ್ ಮಗಳು ಐಶ್ವರ್ಯಾ ಡಿಕೆಶಿ ಹೆಗ್ಡೆ ತಾಯಿಯಾಗಿದ್ದಾರೆ. ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಸ್ಪರ್ಶ್ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು, ವಿಷಯ ತಿಳಿಯುತ್ತಿದ್ದಂತೆ ಡಿಕೆ ಶಿವಕುಮಾರ್ ಓಡೋಡಿ ಬಂದಿದ್ದಾರೆ. ತಾತನಾಗಿ ಬಡ್ತಿ ಪಡೆದ ಖುಷಿಯಲ್ಲಿ ಡಿಕೆಶಿ ಇದ್ದಾರೆ. ಇಡೀ ಮನೆಯಲ್ಲಿ ಸಂಭ್ರಮದ ವಾತಾವರಣ ಮನೆ ಮಾಡಿದೆ. ತಾಯಿ ಮಗು ಇಬ್ಬರು ಆರೋಗ್ಯವಾಗಿದ್ದಾರೆಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.
ಡಿಕೆಶಿ ಕುಟುಂಬ ಮತ್ತು ಸಿದ್ಧಾರ್ಥ್ ಹೆಗ್ಡೆ ಅವರ ಕುಟುಂಬದಲ್ಲಿ ಈ ಹೊಸ ಅತಿಥಿಯ ಆಗಮನ ಹಬ್ಬದ ಕಳೆಯನ್ನು ತಂದಿದೆ. ಹೆಣ್ಣು ಮಗು ಹುಟ್ಟಿರುವುದು ಎರಡೂ ಕುಟುಂಬಗಳಿಗೆ ಹೆಚ್ಚಿನ ಸಂತೋಷ ತಂದಿದೆ. ಮಗಳ ಮದುವೆಯನ್ನು ಅತ್ಯಂತ ಅದ್ಧೂರಿಯಾಗಿ ಮಾಡಿದ್ದ ಡಿಕೆಶಿ, ಈಗ ಮೊಮ್ಮಗಳ ಆಗಮನವನ್ನೂ ಅಷ್ಟೇ ಸಡಗರದಿಂದ ಆಚರಿಸುತ್ತಿದ್ದಾರೆ.
2021ರ ಫೆಬ್ರವರಿ 14 ರಂದು ಅಮರ್ಥ್ಯ ಹಾಗೂ ಐಶ್ವರ್ಯಾ ಮದುವೆಯಾಗಿತ್ತು. ಇದೀಗ ಇಬ್ಬರ ದಾಂಪತ್ಯ ಜೀವನದ ಗುರುತಾಗಿ ಹೆಣ್ಣು ಮಗು ಜನಿಸಿದೆ. ಮೊಮ್ಮಗಳನ್ನು ಕಂಡು ಡಿಕೆ ಶಿವಕುಮಾರ್ ಅವರಂತು ಹರ್ಷೋದ್ಘಾರ ಪಟ್ಟಿದ್ದಾರೆ.
