ಶಾಸಕ ಕೆ.ಸಿ.ವೀರೇಂದ್ರ 49ನೇ ಹುಟ್ಟು ಹಬ್ಬ : ವಿವಿಧ ಕಾರ್ಯಕ್ರಮಗಳ ಆಯೋಜನೆ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಪಟ್ಟಣ್,
ಮೊ : 98862 95817

ಚಿತ್ರದುರ್ಗ,(ಜೂ.28) : ಶಾಸಕರು ಕೆ. ಸಿ ವೀರೇಂದ್ರ (ಪಪ್ಪಿ) ಅವರ 49ನೇ ಹುಟ್ಟು ಹಬ್ಬದ ಆಚರಣೆಯ ಅಂಗವಾಗಿ ಜೂನ್ 30 ರಂದು ನಗರದಲ್ಲಿ ವಿವಿಧ ರೀತಿಯ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿರುವುದಾಗಿ ಅವರ ಅಭಿಮಾನಿಗಳಾದ ಮಂಜಪ್ಪ ತಿಳಿಸಿದ್ದಾರೆ.

ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾಹಿತಿ ನೀಡಿದ ಅವರು ಜೂ. 30ಕ್ಕೆ ವಿರೇಂದ್ರ ರವರು 49 ವರ್ಷಕ್ಕೆ ಕಾಲಿಡಲಿದ್ದು, ಇದರ ಅಂಗವಾಗಿ ರಕ್ತದಾನ ಶಿಬಿರ ಸಸಿ ನೆಡುವ ಕಾರ್ಯಕ್ರಮ ಸೇರಿದಂತೆ ಇತರೆ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದ ಅವರು,  ಅಂದು ಬೆಳಿಗ್ಗೆ 9 ಗಂಟೆಗೆ ಚಳ್ಳಕೆರೆ ಗೇಟ್‍ನಲ್ಲಿ ಸ್ವಾಗತಿಸಲಾಗುವುದು. 9-15ಕ್ಕೆ ಸ್ಟೇಡಿಯಂ ಮುಂಭಾಗ ಬುದ್ಧನ ಪ್ರತಿಮೆಗೆ ಮಾಲಾರ್ಪಣೆ, 9-30ಕ್ಕೆ ಜಿಲ್ಲಾ ಆಸ್ಪತ್ರೆಯಲ್ಲಿನ ರೋಗಿಗಳಿಗೆ ಹಣ್ಣು, ಹಾಲು, ಬ್ರಡ್ ವಿತರಣೆ 10ಕ್ಕೆ ಮದಕರಿನಾಯಕ ಪ್ರತಿಮೆಗೆ ಮಾಲಾರ್ಪಣೆ 10:15 ಗಂಟೆ ಅಂಬೇಡ್ಕರ್ ಪ್ರತಿಮೆಗೆ ಮಾಲಾರ್ಪಣೆ 10:30 ಗಂಟೆ ಒನಕೆ ಓಬವ್ವ ಪ್ರತಿಮೆಗೆ ಮಾಲಾರ್ಪಣೆ 10:45 ಗಂಟೆ ಬಡಮಾಕನ್ ದರ್ಗಾಕೆ ಭೇಟಿ 11:15 ಗಂಟೆ ನೀಲಕಂಟೇಶ್ವರ ದೇವಸ್ಥಾನ ಭೇಟಿ 11:45 ಗಂಟೆ  ಸಂಗೊಳ್ಳಿ ರಾಯಣ್ಣ ಪ್ರತಿಮೆಗೆ ಮಾಲಾರ್ಪಣೆ 12ಕ್ಕೆ ಬರಗೇರಮ್ಮ ದೇವಸ್ಥಾನ ಭೇಟಿ 12.30ಕ್ಕೆ ಕನಕದಾಸರ ಪ್ರತಿಮೆಗೆ ಮಾಲಾರ್ಪಣೆ 12.45ಕ್ಕೆ ಮಾಳಪ್ಪನಹಟ್ಟಿ ಸಂಗೊಳ್ಳಿ ರಾಯಣ್ಣ ಪ್ರತಿಮೆಗೆ ಮಾಲಾರ್ಪಣೆ 1ಕ್ಕೆ ನಿಜಲಿಂಗಪ್ಪ ಸಮಾಧಿ ಭೇಟಿ 1.15ಕ್ಕೆ ಮುರುಘ ಮಠದಲ್ಲಿ ರಕ್ತದಾನ ಶಿಬಿರ 1.30ಕ್ಕೆ ಮುರುಘ ಮಠದ ಆವರಣದಲ್ಲಿ ಸಸಿ ನೆಡುವ ಕಾರ್ಯಕ್ರಮ 02:30 ಗಂಟೆ ವೇದಿಕೆ ಕಾರ್ಯಕ್ರಮ ನಡೆಯಲಿದೆ ಎಂದರು.

ವೇದಿಕೆ ಕಾರ್ಯಕ್ರಮದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರಾದ ಸುಧಾಕರ್, ಜಿಲ್ಲೆಯ ಶಾಸಕರು ಭಾಗವಹಿಸಲಿದ್ದು ಶ್ರೀಮಠದ ಬಸವ ಪ್ರಭು ಶ್ರೀಗಳು ಸಾನಿಧ್ಯವಹಿಸಲಿದ್ದಾರೆ.

ಅಂದು ರಕ್ತದಾನ ಶಿಬಿರದಲ್ಲಿ ಸುಮಾರು 100 ಯೂನಿಟ್ ರಕ್ತವನ್ನು ಸಂಗ್ರಹ ಮಾಡುವ ಗುರಿಯನ್ನು ಹೊಂದಲಾಗಿದೆ. ಇದ್ದಲ್ಲದೆ ಶಾಸಕರ 49ನೇ ಹುಟ್ಟು ಹಬ್ಬದ ಅಂಗವಾಗಿ 49 ವಿವಿಧ ರೀತಿಯ ಸಸಿಗಳನ್ನು ಮಠದ ಆವರಣದಲ್ಲಿ ನೆಡಲಾಗುವುದು ಅಲ್ಲದೆ ಅಂದು ನಗರದ ವಿವಿಧ ವೃದ್ದಾಶ್ರಮ, ಅನಾಥಾಶ್ರಮ, ವಿಕಲ ಚೇತನರ ಆಶ್ರಮಗಳಿಗೆ ಅನ್ನದಾನವನ್ನು ಮಾಡಲಾಗುತ್ತದೆ. ಇದೆಲ್ಲವು ಸಹಾ ಶಾಸಕ ವಿರೇಂದ್ರರವರ ಅಭಿಮಾನಿಗಳ ವೃಂದವತಿಯಿಂದ ನಡೆಸಲಾಗುತ್ತಿದೆ ಎಂದು ಮಂಜಪ್ಪ ತಿಳಿಸಿದರು.

ಗೋಷ್ಠಿಯಲ್ಲಿ ಮಂಜುನಾಥ್ ಕೆ.ಆರ್. ಮಹಾಂತೇಶ್, ತಿಪ್ಪೇಸ್ವಾಮಿ, ನವೀನ್ ಕುಮಾರ್, ಶಿವರಾಜ್ ಜಾಲಿಕಟ್ಟೆ ಉಪಸ್ಥಿತರಿದ್ದರು.