ವಿಧಿ ಎಲ್ಲಿ ಅಡಗಿರುತ್ತೆ ಅಂತ ಯಾರಿಗೂ ಗೊತ್ತಾಗಲ್ಲ. ಆಯಸ್ಸು ಮುಗಿದ ಮೇಲೆ ಎಲ್ರೂ ಏನು ಕಾರಣವನ್ನೇ ಹೇಳದೆ ಹೋಗಲೇಬೇಕು. ಸಾವಿಗೆ ಎಲ್ಲವೂ ಕಾರಣ ಅಷ್ಟೇ. ಜಾರ್ಖಂಡ್ ನಲ್ಲಿ ನಡೆದಿದ್ದು, ಇಂಥ ಹೃದಯ ವಿದ್ರಾವಕ ಘಟನೆಯೇ.
ಧನ ಬಾದ್ ನಲ್ಲಿ ಈ ಘಟನೆ ನಡೆದಿದ್ದು, ರಾತ್ರಿ ಮಲಗಿದ್ದ ವೇಳೆ ಸೋಹೆಲ್ ಅನ್ಸಾರಿ ಎಂಬುವವರ ಮನೆ ಮೇಲೆ 11 ಸಾವಿರ ಇರುವ ಹೈ ವೋಲ್ಟೇಜ್ ವೈಯರ್ ಬಿದ್ದಿದೆ. ಪರಿಣಾಮ ಸೋಹೆಲ್ ಅನ್ಸಾರಿ ಮೃತಪಟ್ಟಿದ್ದಾರೆ. ಅವರ ತಾಯಿ ಹಾಗೂ ಇಬ್ಬರು ಸಹೋದರರಿಗೆ ಗಂಭೀರ ಗಾಯವಾಗಿದೆ.
ಗಾಯಗೊಂಡಿರುವವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಇನ್ನಹ ಸೋಹೆಲ್ ಅನ್ಸಾರಿಯ ಮೃತದೇಹವನ್ನ ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಹೈವೋಲ್ಟೇಜ್ ವೈಯರನ್ನು ಸಾಕಷ್ಟು ಮನೆಗಳ ಮೇಲ್ಭಾಗದಲ್ಲಿ ಹಾಕಲಾಗಿದೆ. ಇಂಥ ದುರ್ಘಟನೆಗೆ ವಿದ್ಯುತ್ ಇಲಾಖೆಯೇ ಕಾರಣ ಎಂದು ಸ್ಥಳೀಯರು ಆರೋಪ ಮಾಡಿದ್ದಾರೆ.
