ಮೋದಿ ಭಾಷಣ ಕೇಳಿ ಬರುತ್ತಿದ್ದಾಗ ಅಪಘಾತ : 20 ಮಹಿಳೆಯರಿಗೆ ಗಾಯ..!

ಭೂಪಾಲ್: ಇಂದು ಪ್ರಧಾನಿ ನರೇಂದ್ರ ಮೋದಿಯವರ 72ನೇ ವರ್ಷದ ಹುಟ್ಟುಹಬ್ಬ. ಎಲ್ಲೆಡೆ ಹುಟ್ಟುಹಬ್ಬದ ಅದ್ದೂರಿ ಕಾರ್ಯಕ್ರಮ ಕೂಡ ನಡೆದಿದೆ. ಅದರ ಜೊತೆಗೆ ಇಂದು ದೇಶಕ್ಕೆ ಎಂಟು ಚೀತಾ ಕೂಡ ಆಗಮಿಸಿದೆ. ಮಧ್ಯಪ್ರದೇಶದ ನ್ಯಾಷನಲ್ ಪಾರ್ಕ್ ನಲ್ಲಿ ಪ್ರಧಾನಿ ನೇತ್ರತ್ವದಲ್ಲಿ ಚೀತಾಗಳನ್ನು ಬಿಡಲಾಗಿದೆ.

ಈ ವೇಳೆ ಕಾರ್ಯಕ್ರಮ ಕೂಡ ನಡೆದಿದೆ. ಮೋದಿ ಅವರ ಭಾಷಣ ಕೇಳುವುದಕ್ಕೆ ಸ್ವಸಹಾಯ ಸಂಘದ ಕಾರ್ಯಕರ್ತೆಯರು ಕೂಡ ಹೋಗಿದ್ದರು. ಆದರೆ ವಾಪಾಸ್ ಹೊರಟಾಗ ಅಪಘಾತಕ್ಕೀಡಾಗಿ, 20 ಮಹಿಳೆಯರು ಗಂಭೀರ ಗಾಯಗೊಂಡಿದ್ದಾರೆ. ಮಧ್ಯಪ್ರದೇಶದ ಕರೋನಿ ಕಣಿವೆ ಬಳಿ ಈ ಘಟನೆ ನಡೆದಿದೆ.ವಸದ್ಯ ಗಾಯಾಳುಗಳನ್ನು ಆಸ್ಪತ್ರೆಗೆ ಸೇರಿಸಿ, ಚಿಕಿತ್ಸೆ ಕೊಡಿಸಲಾಗಿದೆ.

ಮೋದಿಯವರ ಕಾರ್ಯಕ್ರಮಕ್ಕೆ 25-30 ಮಹಿಳೆಯರಿರುವ ಬಸ್ ಹೊರಟಿತ್ತು. ಆದರೆ ಟ್ರಾಫಿಕ್ ನಡುವೆ ಸಿಲುಕಿದ್ದ ಬಸ್, ಕಾರ್ಯಕ್ರಮ ತಲುಪಲು ಸಾಧ್ಯವಾಗಿಲ್ಲ. ಬಳಿಕ ವಾಪಾಸ್ಸಾಗುವಾಗ ಈ ದುರ್ಘಟನೆ ನಡೆದಿದೆ. ಗಾಯಗೊಂಡ ಮಹಿಳೆಯರಲ್ಲಿ ಮೂವರು ಸ್ಥಿತಿ ಗಂಭೀರವಾಗಿದೆ.