ಮಂಡ್ಯದಲ್ಲಿ ಕ್ರಿಮಿನಾಶಕ ನೀರು ಸೇವಿಸಿ ಮಕ್ಕಳು ಅಸ್ವಸ್ಥ..!
ಮಂಡ್ಯ: ಜಿಲ್ಲೆಯಲ್ಲಿ ಕೊಪ್ಪ ಸಮೀಪದ ಹೊಸಕೊಪ್ಪಲು ಬಳಿ ಏಳು ಮಕ್ಕಳು ಸೇರಿದಂತೆ ಹದಿನೈದು ಜನ ಅಸ್ವಸ್ಥರಾಗಿ ಆಸ್ಪತ್ರೆ ಸೇರಿದ್ದಾರೆ. ಕಬ್ಬು ಕಟಾವು ಮಾಡಲು ಬಂದಿದ್ದ ಮಂದಿ, ಕ್ರಿಮಿನಾಶಕ ಮಿಶ್ರಿತ ನೀರು ಸೇವಿಸಿ, ಅಸ್ವಸ್ಥರಾಗಿದ್ದಾರೆ.
ಕಬ್ಬು ಬೆಳೆದಿದ್ದ ಜಮೀನಿನಲ್ಲಿ ಕ್ರಿಮಿನಾಶಕ ಮಿಕ್ಸ್ ಮಾಡಿ ಡ್ರಮ್ ನಲ್ಲಿ ನೀರು ತುಂಬಿಸಿಡಲಾಗಿತ್ತು. ಕಬ್ಬು ಕಟಾವು ಮಾಡಲು, ಬಳ್ಳಾರಿಯಿಂದ 30 ಮಂದಿ ಬಂದಿದ್ದರು. ಕಟಾವು ಮಾಡಿದ, ಧಣಿದ ಹಿನ್ನೆಲೆ ಡ್ರಮ್ ನಲ್ಲಿ ತುಂಬಿಸಿಟ್ಟ ನೀರು ಕುಡಿದಿದ್ದಾರೆ. ಇದರ ಪರಿಣಾಮ ಮಕ್ಕಳು ಸೇರಿದಂತೆ ಹದಿನೈದು ಜನ ಆಸ್ಪತ್ರೆ ಸೇರಿದ್ದಾರೆ.
ಹದಿನೈದು ಜನರನ್ಮು ಮಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಸಂಬಂಧ ಮಾತನಾಡಿದ ಮೀಮ್ಸ್ ಡೈರೆಕ್ಟರ್ ಮಹೇಂದ್ರ ಅವರು, ಸದ್ಯ ಎಲ್ಲರೂ ಆರಾಮವಾಗಿದ್ದಾರೆ. ಯಾವುದೇ ತೊಂದರೆ ಇಲ್ಲ. ಚಿಕಿತ್ಸೆ ನೀಡಲಾಗುತ್ತಿದೆ ಎಂದಿದ್ದಾರೆ.
Newbie Techy