ಜನಾರ್ದನ್ ರೆಡ್ಡಿ ಮಣಿಸಲು ಸಿಎಂ ಬೊಮ್ಮಾಯಿ ಅವರೇ ಸಿದ್ಧವಾದ್ರಾ..?

ಕೊಪ್ಪಳ: ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿ ಹೊಸ ಪಕ್ಷ ಆರಂಭಿಸಿ, ಎರಡನೇ ಇನ್ನಿಂಗ್ಸ್ ಶುರು ಮಾಡಿದ್ದಾರೆ. ಬಳ್ಳಾರಿ, ಕೊಪ್ಪಳ, ಗಂಗಾವತಿ ಸೇರಿದಂತೆ ಆ ಕಡೆಯೆಲ್ಲಾ ಸಂಚರಿಸಿ ತಮ್ಮ ಪಕ್ಷವನ್ನು ಬಲವರ್ಧನೆ ಮಾಡುತ್ತಿದ್ದಾರೆ. ಇದು ಬಿಜೆಪಿಗೆ ಒಂದು ರೀತಿಯ ಹಿನ್ನಡೆಯಾಗುವ ಸಾಧ್ಯತೆಯೂ ದಟ್ಟವಾಗಿದೆ. ಹೀಗಾಗಿ ರೆಡ್ಡಿ ವಿರುದ್ಧ ಪ್ಲ್ಯಾನ್ ಮಾಡಲು ಖುದ್ದು ಸಿಎಂ ಬೊಮ್ಮಾಯಿ ಅವರೇ ಇಂದು ಗಂಗಾವತಿ ಅಖಾಡಕ್ಕೆ ಇಲಿಯಲಿದ್ದಾರೆ.

ಅಭಿವೃದ್ಧಿ ಕಾರ್ಯಗಳಿಗೆ ಚಾಲನೆ ಕೊಡುವ ಮೂಲಕ ಜನರನ್ನು ತಮ್ಮತ್ತ ಸೆಳೆಯುವ ಕೆಲಸ ನಡೆಯುತ್ತಿದೆ. ಅಭಿವೃದ್ಧಿ ಮಂತ್ರದೊಂದಿಗೆ ರೆಡ್ಡಿಯನ್ನು ಹಿಂದಿಕ್ಕಲು ಬಿಜೆಪಿ ಹೊಸ ಪ್ಲ್ಯಾನ್ ಮಾಡಿದೆ. ಹೀಗಾಗಿ ಸಿಎಂ ಬೊಮ್ಮಾಯಿ ಅವರು ಇಂದು ಕೊಪ್ಪಳಕ್ಕೂ ಭೇಟಿ ನೀಡಿ, ಅಂಜನಾದ್ರಿಯಲ್ಲೂ ಪೂಜೆ ಸಲ್ಲಿಸಲಿದ್ದಾರೆ. ಅಂಜನಾದ್ರಿ ಬೆಟ್ಟದ ಅಭಿವೃದ್ಧಿ ವಿಚಾರಕ್ಕೂ ಸಾಕಷ್ಟು ಭರವಸೆ ನೀಡಲಿದ್ದಾರೆ.

ಜನಾರ್ದನ ರೆಡ್ಡಿ ಅವರ ಓಟ ಬಿಜೆಪಿಗೆ ಒಂದು ರೀತಿಯ ಆತಂಕ ತಂದೊಡ್ಡಿದೆ. ರೆಡ್ಡಿಯಿಂದಾಗಿ ಮತಗಳು ಡಿವೈಡ್ ಆಗುವುದು ದಟ್ಟವಾಗಿದೆ. ಹೀಗಾಗಿ ಜನಾರ್ದನ ರೆಡ್ಡಿಯವರನ್ನು ಮತ್ತೆ ತಮ್ಮ ಪಕ್ಷಕ್ಕೆ ವಾಪಾಸ್ ಕರೆಸಿಕೊಳ್ಳುತ್ತಾರೆ ಎಂಬ ಮಾತಿತ್ತು. ಆದರೆ ಅದಲ್ಲ ಅಭಿವೃದ್ಧಿಯಿಂದಾನೇ ಜನರನ್ನು ಸೆಳೆಯುತ್ತೇವೆ ಎಂದು ಹೊರಟಿದ್ದಾರೆ.