ಪುನೀತ್ ಅವರ ಅಂತಿಮ ವಿಧಿವಿಧಾನ ನಡೆಸೋದು ಯಾರು..? ಇಲ್ಲಿದೆ ಅದರ ಕಂಪ್ಲೀಟ್ ಡಿಟೈಲ್..!

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರನ್ನ ಕಳೆದುಕೊಂಡು ಕರ್ನಾಟಕ ಜನತೆ ದುಃಖದಲ್ಲಿದ್ದಾರೆ. ಸರಳತ್ವಕ್ಕೆ ಮೊದಲ ಹೆಸರೇ ಅಪ್ಪು.. ಯಾವ ಡೈರೆಕ್ಟರ್, ನಿರ್ಮಾಪಕರಿಗೂ ಕಿರಿಕಿರಿ ಇರಲಿಲ್ಲ. ಎಲ್ಲರಿಗೂ ಅಚ್ಚುಮೆಚ್ಚಿನ ನಟ. ಇಂಥ ಅದ್ಭುತ ನಟನನ್ನ ಕಳೆದುಕೊಂಡ ಚಿತ್ರರಂಗ ಅಕ್ಷರಶಃ ಬಡವಾಗಿದೆ. ಮತ್ತೆ ಇಂಥ ನಟ ಸಿಗೋಕೆ ಸಾಧ್ಯವಾ ಎಂಬ ಪ್ರಶ್ನೆ ಎಲ್ಲರನ್ನು ಕಾಡುತ್ತಿದೆ. ಟಾಪ್ ನಟರಲ್ಲಿ ಒಬ್ಬರಿಲ್ಲವಲ್ಲ ಅನ್ನೋ ನೋವು ಬೆಂಬಿಡದೆ ಕಾಡುತ್ತಿದೆ.

ಆದರೆ ಏನು ಮಾಡೋದು ಸತ್ಯವನ್ನ ಎಲ್ಲರು ಒಪ್ಪಿಕೊಳ್ಳಲೇ ಬೇಕು. ಇಂದು ಸಂಜೆಯೇ ಅಂತ್ಯಸಂಸ್ಕಾರ ನಡೆಯುವ ಸಾಧ್ಯತೆ ಇದ್ದು, ಪುನೀತ್ ಅವರ ಅಂತಿಮ ವಿಧಿವಿಧಾನವನ್ನ ವಿನಯ್ ರಾಜ್‍ಕುಮಾರ್ ನೆರವೇರಿಸಲಿದ್ದಾರೆ.

ಯಾಕ‌ಂದ್ರೆ ವಿನಯ್ ರಾಜ್‍ಕುಮಾರ್ ಅಂದ್ರೆ ಪುನೀತ್ ಗೆ ಅಚ್ಚುಮೆಚ್ಚು. ಪ್ರೀತಿಯ ಮಗನಾಗಿದ್ರು. ಹೀಗಾಗಿ ರಾಘವೇಂದ್ರ ರಾಜ್ ಕುಮಾರ್ ಅವರ ದೊಡ್ಡ ಮಗ ವಿನಯ್ ರಾಜ್‍ಕುಮಾರ್ ಅವರೇ ಅಪ್ಪು ಅಂತಿಮ ವಿಧಿ ವಿಧಾನ ನಡೆಸಲಿದ್ದಾರೆ.

ಮಗಳು ಅಮೆರಿಕಾದಿಂದ ಇಂದು ಸಂಜೆ ಬರುವ ಸಾಧ್ಯತೆ ಇದೆ. ಹೀಗಾಗಿ ಸಕಲ ಸಿದ್ಧತೆ ನಡೆದಿದ್ದು, ಕಂಠೀರವ ಸ್ಟುಡಿಯೋದಲ್ಲಿ ಅಂತ್ಯಸಂಸ್ಕಾರ ನಡೆಯಲಿದೆ.