ಯಾರು ಹೇಳಿದ್ರು ಅಷ್ಟೇ ಮುಂದಿನ ಸಿಎಂ ಬೊಮ್ಮಾಯಿನೆ : ವಿ ಸೋಮಣ್ಣ

ದಾವಣಗೆರೆ: ಮುಂದಿನ ಸಿಎಂ ಯಾರು ಎಂಬುದರ ಬಗ್ಗೆ ಸಚಿವ ವಿ ಸೋಮಣ್ಣ ಖಡಕ್ ಉತ್ತರ ನೀಡಿದ್ದಾರೆ. ಮುಂದಿನ ಚುನಾವಣೆಯನ್ನು ಬೊಮ್ಮಾಯಿ ಅವರ ನೇತೃತ್ವದಲ್ಲೇ ಮಾಡ್ತೀವಿ ಅಂದ್ರೆ ಅರ್ಥ ಮಾಡ್ಕೊಳಿ ಮುಂದಿನ ಸಿಎಂ ಬೊಮ್ಮಾಯಿ ಅವರೇ ಆಗಿರ್ತಾರೆ ಎಂದಿದ್ದಾರೆ.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಅಶೋಕ ಅವರು ಹೇಳೋದು ಅದೇ ಅರ್ಥದಲ್ಲಿ ನಾನು ಹೇಳೋದು ಅದೇ ಅರ್ಥದಲ್ಲಿ. ಮುಂದಿನ ಸಿಎಂ ಬೊಮ್ಮಾಯಿ ಅವರೇ ಆಗಿರ್ತಾರೆ. ಈ ಮಧ್ಯೆ ಬೈಎಲೆಕ್ಷನ್ ಕೂಡ ಮುಗಿದಿದೆ.‌ಹಾಬಗಲ್ ಶೇಕಡ 83, ಸಿಂಧಗಿ ಶೇಕಡ 69 ರಷ್ಟು ಮತದಾನ ನಡೆದಿದೆ. ಸಿಂಧಗಿಯಲ್ಲಿ 18-20 ಸಾವಿರ ಮತಗಳ ಅಂತರದಲ್ಲಿ ಗೆಲ್ತೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಇದೇ ವೇಳೆ ಬೆಂಗಳೂರು ಉಸ್ತುವಾರಿ ಸಚಿವ ಸ್ಥಾನದ ಬಗ್ಗೆ ಮಾತನಾಡಿದ್ದು, ಆ ಸ್ಥಾನವನ್ನ ಯಾರಿಗೆ ಕೊಟ್ಟರೇನಂತೆ. ನಾನು ಒಂದೇ ಸಾರಿ ಹೇಳೋದು ಪದೇ ಪದೇ ಹೇಳುದ್ರೆ ಮಜಾ ಇರಲ್ಲ. ಅದು ಮುಗಿದ ಅಧ್ಯಾಯವಷ್ಟೆ ಎಂದಿದ್ದಾರೆ.