ಕೃಷಿ ಉತ್ಪನ್ನಗಳಿಗೆ ಕನಿಷ್ಠ ಬೆಂಬಲ ಬೆಲೆ ಘೋಷಣೆ

ಚಿತ್ರದುರ್ಗ,(ಸೆಪ್ಟಂಬರ್ 01) : ಕೇಂದ್ರ ಸರ್ಕಾರವು 2022-23ನೇ ಸಾಲಿನ ಎಫ್‍ಎಕ್ಯೂ ಗುಣಮಟ್ಟದ ಕೃಷಿ ಉತ್ಪನ್ನಗಳಿಗೆ ಕನಿಷ್ಟ ಬೆಂಬಲ ಬೆಲೆಯನ್ನು ಘೋಷಿಸಿದೆ.

2022-23ನೇ ಸಾಲಿನ ಮುಂಗಾರು ಬೆಳೆಗಳ ಕನಿಷ್ಟ ಬೆಂಬಲ ಬೆಲೆ (ರೂ.ಪ್ರತಿ ಕ್ವಿಂಟಾಲ್) ವಿವರ ಈ ಕೆಳಕಂಡಂತಿದೆ.
ಕಾಮನ್ ತಳಿಯ ಭತ್ತಕ್ಕೆ ರೂ. 2,040/-, ಗ್ರೇಡ್ ಎ ತಳಿಯ ಭತ್ತ ರೂ.2,060/-, ಹೈಬ್ರೀಡ್ ತಳಿಯ ಜೋಳ ರೂ.2,970/-, ಮಾಲ್ದಂಡಿ ತಳಿಯ ಜೋಳ ರೂ.2,990/-, ಸಜ್ಜೆ ರೂ.2,350/-, ರಾಗಿ ರೂ.3,578/-, ಮುಸುಕಿನ ಜೋಳ ರೂ.1,962/-, ತೊಗರಿ ರೂ.6,600/-, ಹೆಸರು ರೂ.7,755/-, ಉದ್ದು ರೂ.6,600/-, ಶೇಂಗಾ ರೂ.5,850/-, ಸೂರ್ಯಕಾಂತಿ ರೂ.6,400/-, ಹಳದಿ ತಳಿಯ ಸೊಯಾಬೀನ್ ರೂ.4,300/-, ಎಳ್ಳು ರೂ.7,830/-, ಗುರೆಳ್ಳು ರೂ.7,887/-, ಮಿಡಿಯಂ ಸ್ಟೆಪಲ್ ತಳಿಯ ಹತ್ತಿ ರೂ.6,080/, ಲಾಂಗ್ ಸ್ಟೆಪಲ್ ತಳಿಯ ಹತ್ತಿ ರೂ.6,380/- ರೂಪಾಯಿಗಳನ್ನು ಪ್ರತೀ ಕ್ವಿಂಟಾಲ್‍ಗೆ ಬೆಂಬಲ ಬೆಲೆ ನಿಗದಿಪಡಿಸಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ ರೈತರು ಸಂಬಂಧಪಟ್ಟ ಹತ್ತಿರದ ತಾಲ್ಲೂಕು ಸಹಾಯಕ ನಿರ್ದೇಶಕರ ಕಚೇರಿ ಅಥವಾ ರೈತ ಸಂಪರ್ಕ ಕೇಂದ್ರ ಸಂಪರ್ಕಿಸಬಹುದು ಎಂದು ಕೃಷಿ ಇಲಾಖೆ ಜಂಟಿ ಕೃಷಿ ನಿರ್ದೇಶಕರು ತಿಳಿಸಿದ್ದಾರೆ.

ಮಾಹಿತಿ : ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ, ಚಿತ್ರದುರ್ಗ