ಚಳಿಗಾಲದಲ್ಲಿ ಮೂಳೆಗೆ ವರದಾನವಾಗಲಿದೆ ಈ ಮೆಂತ್ಯೆ

ಚಳಿಗಾಲ ಇನ್ನು ಇದೆ. ಒಂದು ಕಡೆ ಚರ್ಮದ ಕಾಳಜಿ ಮಾಡಬೇಕು. ಮತ್ತೊಂದು ಕಡೆ ಶೀತ ನೆಗಡಿಯಾಗದಂತೆ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು. ಜೊತೆಗೆ ದೇಹದ ಮೂಳೆಗಳು ಬಲಿಷ್ಠವಾಗಿರುವಂತೆಯೂ ನೋಡಿಕೊಳ್ಳಬೇಕು. ಅದಕ್ಕಾಗಿ ಉತ್ತಮ ಆಹಾರವೂ ನಮ್ಮ ದಿನನಿತ್ಯದ ಕ್ರಮದಲ್ಲಿ ಇರಬೇಕಾಗುತ್ತದೆ. ಈ ಚಳಿಗಾಲದಲ್ಲಿ ಮೂಳೆಗಳ ರಕ್ಷಣೆಗೆ ಮೆಂತ್ಯವನ್ನು ಬಳಸಬಹುದು. ಹೇಗೆ ಬಳಸಬೇಕು..? ಹೇಗೆ ಉಪಯುಕ್ತವಾಗಲಿದೆ ಎಂಬ ಮಾಹಿತಿ ಇಲ್ಲಿದೆ ನೋಡಿ.

* ಚಳಿಗಾಲದಲ್ಲಿ ಮೆಂತ್ಯ ಸೇವನೆ ಮಾಡುವುದು ಬಹಳ ಪ್ರಯೋಜನಕಾರಿಯಾಗಿದೆ. ಆರೋಗ್ಯದ ಮೇಲೆ ಹಲವು ರೀತಿಯ ಪ್ರಯೋಜನವೂ ಸಿಗಲಿದೆ. ಅದರಲ್ಲೂ ಕೀಲು ನೋವಿಗೆ ರಾಮಬಾಣವಿದ್ದಂತೆಯೇ ಸರಿ.

* ಮೆಂತ್ಯ ಬೀಜಗಳಲ್ಲಿ ಹಲವು ಪೋಷಕಾಂಶಗಳು ಇದಾವೆ. ಕಬ್ಬಿಣಾಂಶ, ಕ್ಯಾಲ್ಸಿಯಂ, ರಂಜಕ, ವಿಟಮಿನ್ ಎ, ವಿಟಮಿನ್ ಡಿ ಅಂಶಗಳಹ ಅಧಿಕವಾಗಿವೆ. ಆದ ಕಾರಣ ಮೂಳೆಗಳನ್ನು ಬಲಪಡಿಸಲು ಈ ಅಂಶಗಳು ಸಾಕಷ್ಟು ಪ್ರಯೋಜನಕಾರಿಯಾಗಿವೆ.

* ಮೆಂತ್ಯವನ್ನು ರೆಗ್ಯುಲರ್ ಆಗಿ ಬಳಕೆ ಮಾಡುವುದರಿಂದ ಮೂಳೆ ಮುರಿತದಿಂದ ತಪ್ಪಿಸಿಕೊಳ್ಳಬಹುದು. ಇದರಲ್ಲಿ ಹಿಸ್ಪಿಡಿನ್ ಅಂಶವೂ ಇರುವ ಕಾರಣ ಮೂಳೆಗಳನ್ನು ಬಲಪಡಿಸಲು ಸಹಾಯಕವಾಗಿದೆ.

* ರಂಜಕವು ಅಧಿಕ ಪ್ರಮಾಣದಲ್ಲಿ ಇರುವುದರಿಂದ ಮೆಂತ್ಯ ಬೀಜಗಳು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮೂಳೆಗಳು ದುರ್ಬಲಗೊಳ್ಳದಂತೆ ತಡೆಯುತ್ತವೆ.

* ಮೆಂತ್ಯ ಬೀಜದಲ್ಲಿರುವ ಕೆಲವು ಅಂಶಗಳು ಮೂಳೆ ಸವೆತವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಮೆಂತ್ಯ ಬೀಜಗಳು ಫೈಬರ್‌ನಲ್ಲಿ ಸಮೃದ್ಧವಾಗಿದ್ದು ತೂಕವನ್ನು ಕಡಿಮೆ ಮಾಡುತ್ತದೆ. ಇದರಿಂದ ತೂಕ ಏರಿಕೆಯಿಂದ ಬರುವ ಕೀಲು ನೋವು ಗುಣವಾಗುತ್ತದೆ.

* ಮೆಂತ್ಯವನ್ನು ರಾತ್ರಿಯಿಡೀ ಒಂದು ಲೋಟ ನೀರಿನಲ್ಲಿ ನೆನೆಸಿ. ಬೆಳಿಗ್ಗೆ ಈ ನೀರನ್ನು ಫಿಲ್ಟರ್ ಮಾಡಿ ಕುಡಿಯಿರಿ. ಇದು ಕೀಲುಗಳ ಊತವನ್ನು ಕಡಿಮೆ ಮಾಡುತ್ತದೆ. ಮೆಂತ್ಯ ಬೀಜಗಳನ್ನು ಅತಿಯಾಗಿಯೂ ತಿನ್ನಬಾರದು. ಪ್ರತಿದಿನ 10 – 15 ಕಾಳುಗಳಷ್ಟು ಮೆಂತ್ಯ ಬೀಜ ಮಾತ್ರ ಸೇವಿಸಿ. ಇದು ಆರೋಗ್ಯ ಪ್ರಯೋಜನಕಾರಿಯಾಗಿದೆ.