ಫಿಟ್ನೆಸ್ ಬಗ್ಗೆ ಸಚಿವ ನಿತಿನ್ ಗಡ್ಕರಿ ಕೂಡ ಗಮನ ಹರಿಸಿದ್ದಾರೆ. ಅವರು ಮಾತ್ರವಲ್ಲ ಅವರ ಜೊತೆಗಿರುವವರಿಗೂ ಈ ಮಂತ್ರ ಹೇಳಿಕೊಟ್ಟಿದ್ದಾರೆ. ಕಳೆದ ವರ್ಷ ಹಾಕಿದ್ದ ಚಾಲೆಂಜ್ ಅನ್ನು ಸಂಸದ ಪಿರೋಜಿಯಾ ಪ್ರೂವ್ ಮಾಡಿ ತೋರಿಸಿದ್ದಾರೆ. ಜೊತೆಗೆ ಕಾಮಗಾರಿಗೆ ಕೋಟಿ ಕೋಟಿ ಹಣ ಅನುದಾನ ತೆಗೆದುಕೊಂಡಿದ್ದಾರೆ.
BJP MP from Ujjain @bjpanilfirojiya is on a mission to shed excess flab, not just to become fit, but also to fund the development of his Lok Sabha constituency as promised by Union Minister @nitin_gadkari @ndtv @ndtvindia pic.twitter.com/t7qv7K0FAB
— Anurag Dwary (@Anurag_Dwary) June 11, 2022
ಸಚಿವ ನಿತಿನ್ ಗಡ್ಕರಿ ಮತ್ತು ಸಂಸದ ಅನಿಲ್ ಪಿರೋಜಿಯಾ ನಡುವೆ ಆಗಿದ್ದು ಇಷ್ಟೇ, ಕಳೆದ ವರ್ಷ ಫೆಬ್ರವರಿಯಲ್ಲಿ ಮಾಲ್ವಾ ಪ್ರದೇಶದಲ್ಲಿನ ವಿವಿಧ ಕಾಮಗಾರಿಗಳಿಗೆ ಚಾಲನೆ ನೀಡಲಾಗಿತ್ತು. ಅದು 5772 ಕೋಟಿ ಮೌಲ್ಯದ ಕಾಮಗಾರಿ. ಈ ವೇಳೆ ಅನಿಲ್ ಅವರ ಹೆವಿ ವೈಟ್ ನೋಡಿದ್ದ ನಿತಿನ್ ಗಡ್ಕರಿ ಅವರು ಚಾಲೆಂಜ್ ಒಂದನ್ನು ಹಾಕಿದ್ದರಂತೆ. ಈ ಸಂಬಂಧ ಕಾರ್ಯಕ್ರಮದಲ್ಲಿ ಹೇಳಿದಂತೆ, ಅನಿಲ್ ಅವರು ನಮ್ಮ ಬಳಿ ಕಾಮಾಗಾರಿಗಾಗಿ ಅನುದಾನ ಬಿಡುಗಡೆ ಮಾಡಲು ಕೇಳಿದ್ದಾರೆ. ನಾವೂ ಬಿಡುಗಡೆ ಮಾಡುತ್ತೇವೆ. ಆದರೆ ಒಂದು ಷರತ್ತಿನೊಂದಿಗೆ ಎಂದಿದ್ದರಂತೆ.
ನಿತಿನ್ ಗಡ್ಕರಿ ಕೂಡ ಮೊದಲಿಗೆ 135 ಕೆಜಿ ತೂಕ ಇದ್ದರಂತೆ ಆ ಬಳಿಕ ಒಂದಷ್ಟು ವರ್ಕೌಟ್ ಬಳಿಕ, 93 ಕೆಜಿಯಾಗಿದ್ದಾರಂತೆ. ಇದನ್ನು ಫೋಟೋ ಸಮೇತ ತೋರಿಸಿದ್ದಾರೆ. ನಿಮ್ಮ ಉಜ್ಜೈನಿ ಕ್ಷೇತ್ರಕ್ಕೆ ಕೋಟಿ ಕೋಟಿ ಹಣ ಕೊಡುತ್ತೇನೆ ಆದ್ರೆ ನಿಮ್ಮ ತೂಕವನ್ನು ಇಳಿಸಿಕೊಳ್ಳಿ. ಒಂದು ಕೆಜಿ ಇಳಿಸಿದರೆ ಒಂದು ಸಾವಿರ ಕೋಟಿ ಅನುದಾನ ನೀಡುತ್ತೇವೆ ಎಂದಿದ್ದರಂತೆ. ಅದರಂತೆ ಇದೀಗ ಸಂಸದ ಅನಿಲ್ ನಾಲ್ಕು ತಿಂಗಳಲ್ಲಿ 15 ಕೆಜಿ ತೂಕ ಇಳಿಸಿಕೊಂಡು 15000 ಕೋಟಿ ನಿರೀಕ್ಷೆಯಲ್ಲಿದ್ದಾರಂತೆ ಸಂಸದರು.
Newbie Techy