ಬೆಂಗಳೂರು: ದಿವಂಗತ ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ದಂಪತಿ ಪುತ್ರ ರಾಯನ್ ರಾಜ್ ಸರ್ಜಾಗೆ ವರ್ಷದ ಸಂಭ್ರಮ. ನಾಳೆ ಒಂದು ವರ್ಷ ತುಂಬಲಿದ್ದು, ಬರ್ತ್ ಡೇ ಸೆಲೆಬ್ರೇಷನ್ ಗೆ ಅದ್ಧೂರಿ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ ನಟಿ ಮೇಘನಾ.
ಅಷ್ಟೇ ಅಲ್ಲ ರಾಯನ್ ರಾಜ್ ಸರ್ಜಾ ಕ್ಲೋಸ್ ಗೆಳೆಯ ವೇದ್ ಭರಣ್ ಕೂಡ ಬರ್ತ್ ಡೇಗೆ ಕೇಕ್ ಮಾಡುತ್ತಿದ್ದಾನೆ. ಪನ್ನಾಗಭರಣ ಹಾಗೂ ಚಿರು ಎಷ್ಟು ಆತ್ಮೀಯ ಗೆಳೆಯರಾಗಿದ್ರೋ ಈಗ ರಾಯನ್ ಹಾಗೂ ವೇದ್ ಅಷ್ಟೇ ಆತ್ಮೀಯರಾಗುತ್ತಿದ್ದಾರೆ. ಹೀಗಾಗಿ ನಾಳೆ ಗೆಳೆಯನಿಗಾಗಿ ವೇದ್ ಕೇಕ್ ತಯಾರಿ ಮಾಡುತ್ತಿದ್ದು, ಆ ವಿಡಿಯೋವನ್ನ ಮೇಘನಾ ರಾಜ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಮೇಘನಾ ಕೂಡ ಪಾರ್ಟಿ ಸಾಂಗ್ ವೊಂದನ್ನ ಹಾಕಿ, ರಾಯನ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿದ್ದಾರೆ. ನಾಳೆ ಅದ್ದೂರಿ ಬರ್ತ್ ಡೇ ಇರುತ್ತೆ ಅನ್ನೋದನ್ನ ಮೇಘನಾ ಈ ಮೂಲಕ ಹೇಳಿದ್ದಾರೆ.
ಚಿರು ನಿಧನರಾದ ಬಳಿಕ ಮೇಘನಾ ಮತ್ತೆ ಬಣ್ಣದ ಲೋಕಕ್ಕೆ ಮರಳುತ್ತಿದ್ದಾರೆ. ಚಿರು ಹುಟ್ಟುಹಬ್ಬದ ದಿನದಂದೇ ಹೊಸ ಸಿನಿಮಾ ಘೋಷಣೆ ಮಾಡಿದ್ದಾರೆ. ಅದಕ್ಕೆ ಚಿರು ಆಪ್ತ ಸ್ನೇಹಿತ ಪನ್ನಾಗಭರಣ ನಿರ್ಮಾಣ ಮಾಡ್ತಾ ಇರೋದು ವಿಶೇಷವಾಗಿದೆ.
Newbie Techy