ಬಂದ ಹಣವನ್ನೆಲ್ಲ ದಾನ ಮಾಡಲು ಹೊರಟ ಮಂಜು ಕಿವಿ ಹಿಂಡಿದ ಕಿಚ್ಚ..!

ಉಗ್ರಂ ಮಂಜು ಅವರನ್ನ ನೋಡಿದ್ದ ಜನ ಈ ಸೀಸನ್ ನಲ್ಲಿ ವಿನ್ನರ್ ಇವರೇ ಎಂದು ಘೋಷಣೆ ಮಾಡಿದ್ದರು. ವಿನ್ನರ್ ಆಗದೆ ಇದ್ದರು ರನ್ನರ್ ಆದರೂ ಆಗ್ತಾರೆ ಎಂದುಕೊಂಡಿದ್ರು. ಆದರೆ ಬರ್ತಾ ಬರ್ತಾ ರಾಯರ ಕುದುರೆ ಕತ್ತೆ ಆಯ್ತು ಅಂತಾರಲ್ಲ ಹಾಗೇ ಗೌತಮಿ ಸಹವಾಸ ಮಾಡಿದ ಮೇಲೆ ಮಂಜು ಆಗಿದ್ದು. ಸೀಸನ 11ರಲ್ಲಿ ವೈಲ್ಡ್ ಕಾರ್ಡ್ ಎಂಟ್ರಿ ನಿಂತ ಜಾಗದಲ್ಲೂ ನಿಲ್ಲಲಿಲ್ಲ ಮಂಜು.

ಉಗ್ರಂ ಮಂಜುಗೆ ಮದುವೆ ಮಾಡಬೇಕು ಎಂಬುದು ಅವರ ತಂದೆ ತಾಯಿ ಆಸೆ. ಅದರ ಜೊತೆಗೆ ವಿಪರೀತ ಕುಡಿತವನ್ನ ಬಿಡಬೇಕು ಎಂಬುದು. ಅದನ್ನ ಸುದೀಪ್ ಅವರು ವೇದಿಕೆ ಮೇಲೆ ಕೇಳಿದ್ದಾರೆ. ಕುಡಿತ ಬಿಡಬೇಕು, ಮದುವೆಯಾಗಬೇಕು ಅನ್ನೋದು ಮನೆಯವರ ಆಸೆ. ಏನು ಮಾಡ್ತೀರ ಎಂದಾಗ. ಮಂಜು ಅವರ ತಾಯಿಗೆ ಸಮಾಧಾನ ಮಾಡಿದ್ದಾರೆ, ಅದು ಆಗಬೇಕಾದಾಗ ಆಗುತ್ತದೆ ಎಂದು ಹೇಳಿದ್ದಾರೆ.

ಐದನೇ ಸ್ಥಾನದಲ್ಲಿದ್ದ ಮಂಜುಗೆ 2 ಲಕ್ಷ ಕ್ಯಾಶ್ ಪ್ರೈಸ್ ಸಿಕ್ಕಿದೆ. ಇದೀಗ ಮಂಜು ಆ ಹಣವನ್ನು ವಯಸ್ಸಾದವರಿಗೆ ನೀಡಿದ್ದಾರೆ. ಮತ್ತೊಂದು ಲಕ್ಷ ಹಣ ಸಿಕ್ಕಿದ್ದು, ಅದನ್ನ ರೈತರಿಗೆ ನೀಡಿದ್ದಾರೆ. ಆಗ ಮಧ್ಯೆ ಪ್ರವೇಶಿಸಿದ ಸುದೀಪ್, ಬುದ್ದಿ ಹೇಳಿ, ಮೊದಲು ಎಲ್ಲಾ ಹಣವನ್ನು ಅವರ ತಂದೆ ತಾಯಿಗೆ ಕೊಡಿ.‌ಆಮೇಲೆ ಅವರು ಏನು ಮಾಡುತ್ತಾರೋ ಅವರೇ ತೀರ್ಮಾನ ಮಾಡಲಿ ಎಂದಿದ್ದಾರೆ. ಮಂಜು ಅವರಿಗೆ ಮೂರುವರೆ ಲಕ್ಷ ಸಿಕ್ಕಿದೆ. ಮಂಜು ಹುಡುಗಾಟದ ಬುದ್ದಿ ಇರೋರು, ವಿಪರೀತ ಕುಡಿಯುತ್ತಾರೆ. ಇದು ಅವರ ತಂದೆ ತಾಯಿಗೆ ಇರುವ ಬೇಸರ. ಈಗ ನೋಡಿದ್ರೆ ವೇದಿಕೆ ಮೇಲೆ ನಿಂತು ಬಂದ ಹಣವನ್ನೆಲ್ಲ ಇದಕ್ಕೆ ದಾನ ಅದಕ್ಕೆ ದಾನ ಅಂತ ಮಾಡ್ತಾ ಇದ್ರು. ಸುದೀಪ್ ಕಿವಿ ಹಿಂಡಿ ಬುದ್ದಿ ಹೇಳಿದ್ದಾರೆ. ದಾನ, ಧರ್ಮ ಬೇಕು ಆದರೆ ದಡ್ಡತನ ಬೇಡ ಎಂದಿದ್ದಾರೆ.