ನಾನು ಮತ್ತೆ ಶೀಘ್ರದಲ್ಲೇ ವಾಪಾಸ್ ಆಗ್ತೇನೆ : ಹಂಸಲೇಖ ಅವರ ಪ್ರಾಮೀಸ್ ಗೆ ಸುಮ್ಮನಾದ ಅಭಿಮಾನಿಗಳು..!

ಬೆಂಗಳೂರು: ಪೇಜಾವರ ಶ್ರೀಗಳ ವಿರುದ್ಧ ಹಂಸಲೇಖ ಅವರು ನೀಡಿದ್ದ ಹೇಳಿಕೆ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಪರ ವಿರೋಧದ ನಡುವೆ ಹಂಸಲೇಝ ಅವರು ಪೊಲೀಸರ ವಿಚಾರಣೆಯನ್ನು ಎದುರಿಸಿ ಆಗಿದೆ. ಈ ಬೆನ್ನಲ್ಲೇ ಖಾಸಗಿ ಚಾನೆಲ್ ನಲ್ಲಿ ಅವರಿರುವುದಿಲ್ಲ ಎಂಬ ವಿಚಾರ ಅಭಿಮಾನಿಗಳನ್ನ ಮತ್ತಷ್ಟು ಕೆರಳಿಸಿತ್ತು. ಇದೀಗ ಅದಕ್ಕೆ ಅವರೇ ಸ್ಪಷ್ಟನೆ ಕೊಟ್ಟಿದ್ದಾರೆ.

ಹಂಸಲೇಖ ಅವರು ಜೆಡ್ಜ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ಕಾರ್ಯಕ್ರಮದಿಂದ ಅವರನ್ನು ದೂರ ಇಡುತ್ತಿದ್ದಾರೆ ಎಂಬ ವಿಚಾರ ಭಕ್ತಗಣವನ್ನ ನೋವಿಗೆ ದೂಡಿತ್ತು. ಬಳಿಕ ಖಾಸಗಿ ಚಾನೆಲ್ ವಿರುದ್ಧ ಅಭಿಮಾನಿಗಳು ಅಭಿಯಾನ ಶುರು ಮಾಡಿದ್ರು.

ಬಾಯ್ಕಾಟ್ ಮಾಡಬೇಕೆಂದು ತೀರ್ಮಾನಿಸಿದರು. ಇದೀಗ ಆ ಅಭಿಯಾನಕ್ಕೆ ಖಾಸಗಿ ಚಾನೆಲ್ ಮಣಿದಂತೆ‌ಕಂಡಿದೆ. ಸ್ವತಃ ಹಂಸಲೇಖ ಅವರೇ ಮತ್ತೆ ಕಾರ್ಯಕ್ರಮಕ್ಕೆ ಬರುವ ಬಗ್ಗೆ ಹಂಚಿಕೊಂಡಿದ್ದಾರೆ. ಸರಿಗಮಪ ರಿಯಾಲಿಟಿ ಶೋ ನನ್ನ ಪ್ರೀತಿಯ ಭೂಮಿಕೆ. ಮನಸ್ಸುಗಳ ಮೀಯುವ ವೇದಿಕೆ ತೊರೆಯುವುದಿಲ್ಲ. ಆದಷ್ಟು ಬೇಗ ಸೇರಿಕೊಳ್ಳುತ್ತೇನೆ ಎಂದು ಪತ್ರದ ಮೂಲಕ ತಿಳಿಸಿದ್ದಾರೆ.