ಹಾಸನ: ಎಂಎಲ್ಸಿ ಅಭ್ಯರ್ಥಿ ಎಂ ಶಂಕರ್ ಜೆಡಿಎಸ್ ಗೆ ಬುಕ್ ಆಗಿದ್ದಾರೆ ಎಂಬ ವದಂತಿ ಅಲ್ಲಿ ಇಲ್ಲಿ ಕೇಳಿ ಬಂದಿದ್ದು, ಇದಕ್ಕೆ ಎಂ ಶಂಕರ್ ಸ್ಪಷ್ಟ ಉತ್ತರ ನೀಡಿದ್ದಾರೆ. ನಮ್ಮ ಸಿದ್ದರಾಮಯ್ಯ ಹಾಗೂ ಡಿ ಕೆ ಶಿವಕುಮಾರ್ ಇರುವಾಗ ನಾನು ಜೆಡಿಎಸ್ ಗೆ ಬುಕ್ ಆಗ್ತೀನಾ ಎಂದು ಪ್ರಶ್ನಿಸಿದ್ದಾರೆ.
ಅರಕಲಗೂಡಿನಲ್ಲಿ ಮಾತನಾಡಿರುವ ಎಂ ಶಂಕರ್, ನನ್ನ ಸ್ಪರ್ಧೆಯಿಂದ ಹೊಳೆನರಸೀಪುರದ ಜನರಿಗೆ ಗೊಂದಲವಾಗಿದೆ. ಸೋಲುವ ಭೀತಿಯಲ್ಲಿ ಏನೇನೋ ಹೇಳುತ್ತಿದ್ದಾರೆ. ನಾನು ಜೆಡಿಎಸ್ ಗೆ ಬುಕ್ ಆಗಿದ್ದೀನಿ ಅನ್ನೋದೆಲ್ಲಾ ಸುಳ್ಳು. ಮುಂದೆ ಕಾಂಗ್ರೆಸ್ ಸರ್ಕಾರ ಬಂದೇ ಬರುತ್ತೆ. ಬಂದಾಗ ಸಿದ್ದರಾಮಯ್ಯ ಅವರೇ ಸಿಎಂ ಆಗ್ತಾರೆ.
ಜೆಡಿಎಸ್ ಒಂದು ಸವಕಲು ನಾಣ್ಯವಷ್ಟೇ. ಅದು ಎಲ್ಲಿಯೂ ವರ್ಕೌಟ್ ಆಗ್ತಿಲ್ಲ. ಹೀಗಾಗಿ ನನಗೆ ಮತ ನೀಡಿ ಅಂತ ಜಿಲ್ಲೆಗೆ ಆಗಮಿಸಬೇಕಿದ್ದ ಸಿದ್ದರಾಮಯ್ಯ ಅವರಿಗಾಗಿ ಕಾಯುತ್ತಿದ್ದ ಬೆಂಬಲಿಗರು, ಕಾರ್ಯಕರ್ತರ ಬಳಿ ಎಂ ಶಂಕರ್ ಮತ ಯಾಚನೆ ಮಾಡಿದ್ದಾರೆ.
Newbie Techy