ಚಿತ್ರದುರ್ಗ : ಹೊಳಲ್ಕೆರೆ ರಸ್ತೆಯಲ್ಲಿ ಅನಾಮಧೇಯ ಶವ ಪತ್ತೆ

ಚಿತ್ರದುರ್ಗ,(ಜನವರಿ.18) : ಜಿಲ್ಲೆಯ ಹೊಳಲ್ಕೆರೆ ರಸ್ತೆಯ  ಎಂಪೈರರ್ ಹೋಟೆಲ್ ಮುಂದಿನ ರಸ್ತೆ ಬದಿಯಲ್ಲಿ  ಸುಮಾರು 50 ರಿಂದ 55 ವರ್ಷದ ಅನಾಮಧೇಯ ವ್ಯಕ್ತಿ ಮೃತಪಟ್ಟಿರುವ ಪ್ರಕರಣ 2021ರ ಅಕ್ಟೋಬರ್20 ರಂದು ಚಿತ್ರದುರ್ಗ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

ಮೃತ ವ್ಯಕ್ತಿಯ  ಚಹರೆ ಇಂತಿದೆ. ಕೋಲುಮುಖ ಗೋದಿ ಬಣ್ಣ, ಬಡಕಲು ಶರೀರ, ತಲೆಯಲ್ಲಿ ಸುಮಾರು 2 ಇಂಚು ಉದ್ದನೆಯ ಕೂದಲು, ಮುಖದಲ್ಲಿ ಸುಮಾರು 3 ಇಂಚು ಉದ್ದನೆಯ ಕಪ್ಪುಗಡ್ಡ, ಬಿಳಿ ಹಸಿರು ಬಣ್ಣದ ಟಿ ಶರ್ಟ್, ತಿಳಿನೀಲಿ ಬಣ್ಣದ ಪಂಚೆ ಧರಿಸಿದ್ದರು.

ಮೃತ ಅನಾಮಧೇಯ ಶವದ ವಾರಸುದಾರರು ಪತ್ತೆಯಾದಲ್ಲಿ ಚಿತ್ರದುರ್ಗ ಗ್ರಾಮಾಂತರ ಪೊಲೀಸ್ ಠಾಣೆಗೆ ಸಂಪರ್ಕಿಸಬಹುದು ಎಂದು ಚಿತ್ರದುರ್ಗ ಗ್ರಾಮಾಂತರ ಪೊಲೀಸ್ ಠಾಣೆಯ ಆರಕ್ಷಕ ಉಪನಿರೀಕ್ಷಕರು ತಿಳಿಸಿದ್ದಾರೆ.