ಕೆರೆ, ನದಿ, ಕೊಳಗಳಲ್ಲಿ ಮೂಗಿಗೆ ನೀರು ಹೋದರೆ ಹುಷಾರು : ಮೆದುಳು ತಿನ್ನುವಾ ಅಮೀಬಾ ಹುಟ್ಟುವುದು ಅಲ್ಲಿಯೆ..!

ಕೊರೊನಾದಿಂದ ಒಂದು ವರ್ಷದಿಂದ ಚೇತರಿಸಿಕೊಳ್ಳಲಾಗಿತ್ತು. ಕೊರೊನಾ ಹೊರತಾಗಿ ಜೀವನ ಮಾಡುವುದನ್ನು ಎಲ್ಲರು ಕಲಿತಿದ್ದರು. ಆದರೆ ಇದೀಗ ಕೊರೊನಾದ ಭಯದೊಂದಿಗೆ ಮೆದುಳು ತಿನ್ನುವ ಅಮೀಬಾ ಬೇರೆ ಬಂದಿದೆ. ಇದು ಜನರಲ್ಲಿ ಸಹಜವಾಗಿಯೇ ಆತಂಕವನ್ನು ಹುಟ್ಟು ಹಾಕಿದೆ. ಈಗಾಗಲೇ ಈ ರೋಗಕ್ಕೆ ವ್ಯಕ್ತಿಯೊಬ್ಬ ಸಾವನ್ನಪ್ಪಿದ್ದಾರೆ.

ಇತ್ತಿಚೆಗಷ್ಟೆ ದಕ್ಷಿಣ ಕೊರಿಯಾದಲ್ಲಿ ಈ ರೋಗಕ್ಕೆ ವ್ಯಕ್ತಿ ಬಲಿಯಾಗಿದ್ದ. ನೆಗ್ಲೆರಿಯಾ ಪೌಲೇರಿ ಎಂಬ ಹೆಸರಿನ ಈ ರೋಗಕ್ಕೆ ಎಲ್ಲರೂ ಆತಂಕಗೊಳ್ಳುತ್ತಿದ್ದಾರೆ. ಕಾಯಿಲೆ ಕಂಡು ಬಂದ ಹತ್ತು ದಿನಕ್ಕೆ ವ್ಯಕ್ತಿ ಸಾವನ್ನಪ್ಪುತ್ತಿದ್ದಾನೆ. ಥಾಯ್ಲೆಂಡ್ ಪ್ರವಾಸ ಮುಗಿಸಿ ಬಂದ ವ್ಯಕ್ತಿಯಲ್ಲಿ ಈ ಸೋಂಕು ಕಂಡು ಬಂದಿತ್ತು. ಅಂದೇ ಅವರಿಗೆ ತೀವ್ರವಾದ ತಲೆನೋವು ಸೇರಿದಂತೆ ಹಲವು ರೋಗ ಲಕ್ಷಣಗಳು ಕಂಡು ಬಂದಿತ್ತು. ಅವರನ್ನು ಆಸ್ಪತ್ರೆಗೆ ದಾಖಲಿಸಿತ್ತಾದರೂ ಗುಣಮುಖರಾಗದೆ ಸಾವನ್ನಪ್ಪಿದರು.

ಈ ನೆಗ್ಲೆರಿಯಾ ಪೌಲೆರಿ ಎಂಬುದು ಒಂದು ಅಮಿಬಾ ರೀತಿಯ ಜೀವಿಯಾಗಿದೆ. ಈ ಜೀವಿಗಳು ಸಾಮಾನ್ಯವಾಗಿ ಕೊಳಗಳು, ನದಿಗಳು ಮತ್ತಿ ಕೆರೆಗಳಂತ ಸ್ಥಳದಲ್ಲಿ ವಾಸವಾಗಿರುತ್ತವೆ. ಈ ಜೀವಿಗಳು ಮನುಷ್ಯನ ಮೂಗಿಗೆ ಸೇರಿಕೊಂಡರೆ, ಅಲ್ಲಿಂದ ನಿಧಾನವಾಗಿ ಮೆದುಳಿನ ಭಾಗಕ್ಕೆ ಹೋಗುತ್ತವೆ. ಮೆದುಳನ್ನು ನಿಧಾನವಾಗಿ ತಿನ್ನುತ್ತಾ ಬರುತ್ತದೆ. ಇದರಿಂದ ಮೆದುಳು ಸಂಪೂರ್ಣವಾಗಿ ಹಾಳಾಗುತ್ತದೆ.

ಈ ಕಾಯಿಲೆ ಬಂದವರಿಗೆ ಗಂಟಲು ನೋವು, ವಾಂತಿ, ತಲೆನೋವು, ಮಂದಗೊಂಡ ಮಾತು ಹೀಗೆ ಅನೇಕ ಲಕ್ಷಣಗಳು ಕಾಣಿಸುತ್ತವೆ. ಇದು ದಿನದಿಂದ ದಿನಕ್ಕೆ ಹೆಚ್ಚಾಗಿ ಐದು ದಿನದಲ್ಲಿ ವ್ಯಕ್ತಿ ಸಾವನ್ನಪ್ಪುತ್ತಾನೆ.