ಸಿಂಧಗಿಯಲ್ಲಿ ಬಿಜೆಪಿಯೇ ಮುನ್ನಡೆ: ಸಂಭ್ರಮಾಚರಣೆ ಫುಲ್ ಜೋರು..!

ಎಲ್ಲರ ಚಿತ್ತ ಇಂದು ಹಾನಗಲ್ ಹಾಗೂ ಸಿಂಧಗಿ‌ ಉಪಚುನಾವಣೆಯ ಫಲಿತಾಂಶದ ಮೇಲೆ ನೆಟ್ಟಿದೆ.‌ ಉಪಚುನಾವಣೆಯಲ್ಲಿ ಎಲ್ಲಾ ಪಕ್ಷಗಳು ಗೆಲುವಿಗಾಗಿ ಸಾಕಷ್ಟು ಕಸರತ್ತು ನಡೆಸಿದ್ದವು. ಹೀಗಾಗಿ ಇಂದು ಫಲಿತಾಂಶದ ದಿನವಾಗಿದ್ದು, ಎಲ್ಲರು ಕೌತುಕರಾಗಿದ್ದಾರೆ.

ಇದೀಗ ಸಿಂಧಗಿಯಲ್ಲಿ ಬಿಜೆಪಿಯೇ ಮುನ್ನಡೆ ಸಾಧಿಸಿದೆ ಎನ್ನಲಾಗಿದೆ. ಬಿಜೆಪಿ ಅಭ್ಯರ್ಥಿ ರಮೇಶ್ ಭೂಸನೂರ್ ಮುನ್ನಡೆ ಸಾಧಿಸಿದ್ದು, ಇವರದ್ದೇ ಗೆಲುವು ಎಂದು ಹೇಳಲಾಗುತ್ತಿದೆ.

ಸದ್ಯದ ಫಲಿತಾಂಶದ ಪ್ರಕಾರ ರಮೇಶ್ ಭೂಸನೂರ್ 74,463 ಮತಗಳನ್ನ ಪಡೆದುಕೊಂಡಿದ್ದಾರೆ. ಹಾಗೇ ಕಾಂಗ್ರೆಸ್ ಅಭ್ಯರ್ಥಿ ಅಶೋಕ್ ಮನಗೂಳಿ 49,897 ಮತಗಳನ್ನ ಪಡೆದಿದ್ದಾರೆ. ಜೆಡಿಎಸ್ ಅಭ್ಯರ್ಥಿ ನಾಜೀಯಾ ಶಕೀಲಾ 3,116 ಮತಗಳನ್ನ ಪಡೆದುಕೊಂಡಿದ್ದಾರೆ. ರಮೇಶ್ ಭೂಸನೂರ್ ಗೆಲ್ಲೋದು ನಿಶ್ಚಿತವಾಗಿದೆ. ಅಧಿಕೃತ ಘೋಷಣೆಯೊಂದೆ ಬಾಕಿ ಎನ್ನಲಾಗಿದೆ.