ವರದಿ : ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್
ಚಿತ್ರದುರ್ಗ, (ಡಿ.04): ಕನಕ ಕಲಾವಿದರ ಒಕ್ಕೂಟದಿಂದ ಶಾರದ ಬ್ರಾಸ್‍ಬ್ಯಾಂಡ್‍ನ ಮಾಲೀಕರಾದ ಎಸ್.ವಿ.ಗುರುಮೂರ್ತಿರವರನ್ನು ನಗರದ ಕುರುಬರ ವಿದ್ಯಾರ್ಥಿನಿಲಯದಲ್ಲಿ ಸನ್ಮಾನಿಸಲಾಯಿತು.
ನಗರಸಭೆ ಮಾಜಿ ಅಧ್ಯಕ್ಷ ಹೆಚ್.ಸಿ.ನಿರಂಜನಮೂರ್ತಿ ಮಾತನಾಡಿ ಕಳೆದ ನಲವತ್ತೈದು ವರ್ಷಗಳಿಂದಲೂ ನಿರಂತರವಾಗಿ ಸೇವೆ ಸಲ್ಲಿಸುತ್ತಿರುವ ಎಸ್.ವಿ.ಗುರುಮೂರ್ತಿ ಕರ್ನಾಟಕ ಸೇರಿದಂತೆ ತಮಿಳುನಾಡು, ಆಂಧ್ರ, ಮಹಾರಾಷ್ಟ್ರ, ರಾಜಸ್ಥಾನದಲ್ಲಿ ಅನೇಕ ಕಾರ್ಯಕ್ರಮಗಳನ್ನು ನೀಡಿ ಅಲ್ಲಿನ ಜನರ ಮನರಂಜಸಿದ್ದಾರೆ. ಹತ್ತು ಹಲವಾರು ಪ್ರಶಸ್ತಿಗಳು ಇವರನ್ನು ಹರಸಿ ಬಂದಿವೆ. ಪದ್ಮಭೂಷಣ ಡಾ.ರಾಜ್, ಸಾಹಸ ಸಿಂಹ ವಿಷ್ಣುವರ್ಧನ್, ಪವರ್ ಸ್ಟಾರ್ ಪುನಿತ್‍ರಾಜ್‍ಕುಮಾರ್ ಇವರುಗಳು ಅಭಿಮಾನಿಗಳನ್ನು ಅಗಲಿದಾಗ ನಗರದಲ್ಲಿ ಶ್ರದ್ದಾಂಜಲಿ ಮೆರವಣಿಗೆ ನಡೆಸಿ ಸಂತಾಪ ಸೂಚಿಸಿದ್ದನ್ನು ಇನ್ನು ಮರೆಯುವಂತಿಲ್ಲ ಎಂದು ಗುಣಗಾನ ಮಾಡಿದರು.
ನಗರಸಭೆ ಮಾಜಿ ಅಧ್ಯಕ್ಷ ಹೆಚ್.ಮಂಜಪ್ಪ ಮಾತನಾಡುತ್ತ ಎಸ್.ವಿ.ಗುರುಮೂರ್ತಿರವರು ದುಡಿಮೆಯ ಜೊತೆಗೆ ನಿಸ್ವಾರ್ಥವಾಗಿ ಸಮಾಜಸೇವೆಯಲ್ಲಿಯೂ ತಮ್ಮನ್ನು ತಾವು ತೊಡಗಿಸಿಕೊಂ3ಡಿರುವುದು ನಿಜಕ್ಕೂ ಶ್ಲಾಘನೀಯ. ಮುಂದಿನ ದಿನಗಳಲ್ಲಿ ಅವರಿಗೆ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಯೂ ಲಭಿಸಲಿ ಎಂದು ಹಾರೈಸಿದರು.
ಎಂ.ವಿ.ಮಾಳೇಶ್, ಪ್ರಾಣೇಶ್, ಶ್ರೀರಾಮ್, ಮೃತ್ಯುಂಜಯ, ಉಮೇಶ್, ರಂಗಸ್ವಾಮಿ, ಗಣೇಶ್, ಶೈಲೇಂದ್ರ, ನಾಗಭೂಷಣ, ಪಿ.ಕೆ.ಕುಮಾರ್, ಈ.ದೇವೇಂದ್ರಪ್ಪ, ಕಲಾವಿದ ಗುರು, ಆರ್.ಯತೀಶ್‍ಕುಮಾರ್, ಸಿ.ಎನ್.ಪ್ರಕಾಶ್, ಶಿವರಾಜ್ ಪಿ, ಆರ್.ಹರೀಶ್ ಈ ಸಂದರ್ಭದಲ್ಲಿ ಹಾಜರಿದ್ದರು.
Newbie Techy