ಹೆಸರು ಬದಲಿಸಿಕೊಂಡ ಫೇಸ್‌ಬುಕ್‌, ಇನ್ನುಮುಂದೆ ಮೆಟಾ ಆಗಿ ಮಾರ್ಪಾಡು

ಓಕ್ಲ್ಯಾಂಡ್: ಸಾಮಾಜಿಕ ಜಾಲತಾಣದ ದಿಗ್ಗಜ ಫೇಸ್‌ಬುಕ್ ಹೆಸರು ಇನ್ನು ಮುಂದೆ ‘ಮೆಟಾ’ ಆಗಿ ರೂಪಾಂತರಗೊಳ್ಳುತ್ತದೆ. ಗುರುವಾರ ನಡೆದ ಕಂಪನಿ ಕನೆಕ್ಟ್ ಸಮಾರಂಭದಲ್ಲಿ ಫೇಸ್‌ಬುಕ್ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಈ ಘೋಷಣೆ ಮಾಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಹೊಸ ಲೋಗೋವನ್ನು ಆವಿಷ್ಕರಿಸಲಾಗಿದೆ.  ಅಂತರಾಷ್ಟ್ರೀಯ ಮಟ್ಟದಲ್ಲಿ ಇತ್ತೀಚೆಗೆ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸಾಪ್ ಸೇವೆಗಳು ತಾಂತ್ರಿಕವಾಗಿ ಹಲವಾರು ಗಂಟೆಗಳ ಕಾಲ ಸ್ಥಗಿತಗೊಂಡಿರುವುದು ತಿಳಿದಿದೆ.

ಫೇಸ್‌ಬುಕ್‌ ಸಾರ್ವಜನಿಕ ಸುರಕ್ಷತೆಗಿಂತಲೂ ಲಾಭಗಳಿಕೆಗೆ ಹೆಚ್ಚು ಆದ್ಯತೆ ನೀಡಲಾಗುತ್ತಿದೆ ಎಂಬ ಇತ್ತೀಚೆಗೆ ಟೀಕೆಗಳು ವ್ಯಕ್ತವಾಗುತ್ತಿರುವುದು ಗಮನಾರ್ಹ. ಫೇಸ್ ಬುಕ್ ಅಡಿಯಲ್ಲಿ ಕಾರ್ಯ ನಿರ್ವಹಿಸಿದ ಫೇಸ್‌ಬುಕ್‌, ಇನ್ ಸ್ಟಾಗ್ರಾಮ್ , ವಾಟ್ಸ್ ಆ್ಯಪ್ ಸಾಮಾಜಿಕ ಮಾಧ್ಯಮಗಳು ಇನ್ನು ಮುಂದೆ ‘ಮೆಟಾ’ ಅಡಿಯಲ್ಲಿ ಕಾರ್ಯ ನಿರ್ವಹಿಸುತ್ತವೆ. ಇದರರ್ಥ ಮೂಲ ಕಂಪನಿಯ ಹೆಸರನ್ನು ಬದಲಾಯಿಸಿದೆಯೇ ಹೊರತು, ಅದರ ಅಡಿಯಲ್ಲಿರುವ ಸಾಮಾಜಿಕ ಮಾಧ್ಯಮ ಸೇವೆಗಳು ಅದೇ ಹಳೆಯ ಹೆಸರುಗಳಲ್ಲಿ ಮುಂದುವರಿಯುತ್ತದೆ.

ಮುಂಬರುವ ದಿನಗಳಲ್ಲಿ, ಬಳಕೆದಾರರು ‘ಮೆಟಾವೇರ್‌ಗಳಲ್ಲಿ ಹೆಚ್ಚಿನ ಮಟ್ಟದ ತಡೆರಹಿತ ತಂತ್ರಜ್ಞಾನ ಸೇವೆಗಳು ಮತ್ತು ಸಂಬಂಧಿತ ಅಂಶಗಳನ್ನು ಬಳಸಲು ಸಾಧ್ಯವಾಗುತ್ತದೆ. ಮೆಟಾವರ್ ‘ಆ್ಯಪ್’ಗಳಿಂದ ಹೆಚ್ಚು ತಾಂತ್ರಿಕವಾಗಿ ಪರಿಪಕ್ವತೆಯೊಂದಿಗೆ ‘ಮೆಟಾವೇರ್’ಗಳ ಹೊಸ ದಿಕ್ಕಿನಲ್ಲಿ ಚಲಿಸುತ್ತದೆ ಎಂದು ಜುಕರ್‌ಬರ್ಗ್ ಉಲ್ಲೇಖಿಸಿದ್ದಾರೆ.

ಜನರನ್ನು ಒಟ್ಟಿಗೆ ಸೇರಿಸಲು ತಂತ್ರಜ್ಞಾನವನ್ನು ಆವಿಷ್ಕರಿಸುವ ಕಂಪನಿಯಾಗಿದೆ. ನಾವು ಭವಿಷ್ಯದತ್ತ ಗಮನ ಹರಿಸಬೇಕಾಗಿದೆ. ಈ ದಿಕ್ಕಿನಲ್ಲಿ, ನಮ್ಮ ಕಂಪನಿ ತನ್ನ ಹೆಸರನ್ನು ಬದಲಾಯಿಸಿದೆ, ”ಎಂದು ಅವರು ಹೇಳಿದರು.