ಐ ಲವ್ ಯೂ ಪುತ್ತೂರು ಅಂತ ಕೂಗಿದ ಸಾನ್ಯಾ : ಕೈ ಹಿಡಿದ ಹುಡುಗನಿಗೆ ಬಿತ್ತು ಗೂಸಾ..!

ಪುತ್ತೂರು: ಬಿಗ್ ಬಾಸ್ ಸೀಸನ್ 9ರ ಸ್ಪರ್ಧಿ ಸಾನ್ಯಾ, ಪೂತ್ತೂರಿನಲ್ಲಿ ಕಾರ್ಯಕ್ರಮ ಒಂದಕ್ಕೆ ತೆರಳಿದ್ದರು. ಈ ವೇಳೆ ಸಾನ್ಯಾ ಜೋಶ್ ನಲ್ಲಿ ಐ ಲವ್ ಯೂ ಪುತ್ತೂರು ಎಂದು ಕೂಗಿದ್ದಾರೆ. ಅಲ್ಲಿಯೇ ಇದ್ದ ಯಿವಕನೊಬ್ಬ ತಕ್ಷಣ ಐ ಲವ್ ಯೂ ಸಾನ್ಯಾ ಎಂದು ಕೈ ಹಿಡಿದಿದ್ದಾನೆ. ಈ ವೇಳೆ ಇಂಥ ದುರ್ಘಟನೆ ನಡೆದಿದೆ.

ಪುತ್ತೂರಿನ ಶ್ರೀ ಮಹಲಿಂಗೇಶ್ವರ ದೇವಸ್ಥಾನದ ದೇವರ ಗದ್ದೆಯಲ್ಲಿ ನಡೆದ 30ನೇ ಕೋಟಿ ಚೆನ್ನಯ್ಯ ಜೋಡುಕೆರೆ ಕಂಬಳ ಕೂಟ ನಡೆದಿದೆ. ಈ ಕೂಟದಲ್ಲಿ ಬಿಗ್ ಬಾಸ್ ಸ್ಪರ್ಧಿ ಸಾನ್ಯಾ ಅವರನ್ನು ಅತಿಥಿಯಾಗಿ ಆಹ್ವಾನ ಮಾಡಲಾಗಿತ್ತು. ಈ ವೇಳೆ ಸಾನ್ಯಾ ಅಲ್ಲಿ ನೆರೆದಿದ್ದ ಜನರಿಗೆ ಪ್ರೀತಿಯಿಂದ ಕರೆದಿದ್ದಾರೆ. ಅಲ್ಲಿಯೆ ಇದ್ದ ಯುವಕ ಐದಾರು ಬಾರಿ ಐ ಲವ್ ಯು ಹೇಳುವುದಲ್ಲದೆ, ಕೆಳಗಿಳಿಯುವಾಗ ಸೆಲ್ಫಿ ತೆಗೆದುಕೊಳ್ಳುವುದಕ್ಕೂ ಯತ್ನಿಸಿದ್ದಾನೆ. ಆ ನೆಪದಲ್ಲಿ ಕೈ ಹಿಡಿಯಲು ಪ್ರಯತ್ನಿಸಿದ್ದಾನೆ.

ಈ ವೇಳೆ ಸಾನ್ಯಾ ಕೂಡ ಕೋಪದಿಂದಾನೇ ಸೆಲ್ಫಿ ನಿರಾಕರಿಸಿದ್ದಾರೆ. ಆ ಹುಡುಗನ ನಡೆಗೆ ಅಲ್ಲಿದ್ದವರೆ ಕೋಪಗೊಂಡಿದ್ದಾರೆ. ನಶೆಯಲ್ಲಿದ್ದ ಎಂದು ಹೇಳಲಾಗುತ್ತಿದ್ದು, ಧರ್ಮದೇಟು ನೀಡಿ, ಕಂಬಳದಿಂದಾನೇ ಹೊರಗೆ ಹಾಕಿದ್ದಾರೆ.