ಬೇನಾಮಿ ಆಸ್ತಿ ಬಗ್ಗೆ ಮಾತನಾಡಿದ ಸಿಟಿ ರವಿ..!

ಬೆಳಗಾವಿ: ಅಕ್ರಮ ಆಸ್ತಿ ಮಾಡಿದ್ದಾರೆಂದು ಎಂಬ ಕಾಂಗ್ರೆಸ್ ನಾಯಕರ ಆರೋಪಕ್ಕೆ ಸಂಬಂಧಿಸಿದಂತೆ ಸಿಟಿ ರವಿ ತಿರುಗೇಟು ನೀಡಿದ್ದಾರೆ. ನಾನು ಬೇನಾಮಿ ಆಸ್ತಿ ಮಾಡುವುದಕ್ಕೆ ನಮ್ಮಪ್ಪ ಸಿಎಂ ಆಗಿರಲಿಲ್ಲ. ನನಗೆ ನ್ಯಾಯವಾಗಿ ದುಡಿಯೋ ಮಾರ್ಗ ತೋರಿಸಿದ್ದಾರೆ ಎಂದಿದ್ದಾರೆ.

ರಾಜಕೀಯಕ್ಕೆ ಬರುವುದಕ್ಕೂ ಮುನ್ನವೇ ಆಸ್ತಿ ವಿವರ ಸಲ್ಲಿಸಿದ್ದೀನಿ. ನನ್ನ ಆಸ್ತಿಯೇನು 800 ಪಟ್ಟು ಆಗಿಲ್ಲ. ನಾನು ಅಕ್ರಮ ಆಸ್ತಿ ಮಾಡಿದ್ದೀನಿ ಎಂಬುದನ್ನು ಪ್ರೂವ್ ಮಾಡಲಿ. ಅನುಮಾನ ಇರೋರು ಲೋಕಾಯುಕ್ತಕ್ಕೆ ಹೋಗಲಿ. ನಾನು ಕೊತ್ವಾಲ್ ರಾಮಚಂದ್ರನ ಶಿಷ್ಯ ಅಲ್ಲ. ಗ್ಯಾಂಗ್ ಕಟ್ಟಿಕೊಂಡು ಓಡಾಡಿಲ್ಲ. ನನ್ನ ಟ್ರ್ಯಾಕ್ ರೆಕಾರ್ಡ್ ತೆಗೆದು ಚೆಕ್ ಮಾಡಿ ಎಂದಿದ್ದಾರೆ.

ನಾನು ಒಬ್ಬ ರೈತನ ಮಗ. ಕೆಲವರು ನಾನು ಕುಡಿದು ಮಾತನಾಡ್ತೀನಿ ಅಂತ ಎನ್ನುತ್ತಾರೆ. ನನ್ನ ಬ್ಲೆಡ್ ನಲ್ಲಿ ಮದ್ಯಪಾನ, ಗಾಂಜಾ ಮಾಡಿರುವುದು ಸಿಕ್ಕಿದರೆ ಆಗ ಮಾತನಾಡಲಿ. ಬೇಕಿದ್ರೆ ಅವರು ಯಾರೇ ನನ್ನ ಜೊತೆ ಕಾಂಪಿಟೇಷನ್ ಗೆ ಬರಲಿ. ಬೆಳಗಾವಿ ತನಕ ಓಡಿ ತೋರಿಸುತ್ತೀನಿ ಎಂದಿದ್ದಾರೆ.