ಬೆಳಗಾವಿ: ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಹಾಗೂ ಮಾಜಿ ಸಚಿವ ಕೆ ಎಸ್ ಈಶ್ವರಪ್ಪ ತಮ್ಮ ಮೇಲೆ ಬಂದ ಆರೋಪಕ್ಕೆ ಸಚಿವ ಸ್ಥಾನವನ್ನೇ ತೊರೆದವರು. ಆದರೆ ಈಗ ಆರೋಪ ಮುಕ್ತರಾಗಿದ್ದು, ಮತ್ತೆ ಸಂಪುಟಕ್ಕೆ ಸೇರಲು ಸರ್ಕಸ್ ಮಾಡುತ್ತಿದ್ದಾರೆ. ಆದರೂ ಯಾವುದೇ ರೀತಿಯ ವರ್ಕೌಟ್ ಆಗಿಲ್ಲ. ಇಂದು ನಡೆದ ಚಳಿಗಾಲದ ಅಧಿವೇಶನಕ್ಕೂ ಗೈರಾಗಿ ರಹಸ್ಯ ಸಭೆ ನಡೆಸಿದ್ದರು.
ಈ ಬಗ್ಗೆ ಸದನದ ಬಳಿಕ ಮಾತನಾಡಿದ ಸಿಎಂ ಬೊಮ್ಮಾಯಿ ಅವರು, ರಮೇಶ್ ಜಾರಕಿಹೊಳಿ ಹಾಗೂ ಈಶ್ವರಪ್ಪ ಜೊತೆಗೆ ನಾನು ಸಂಪರ್ಕದಲ್ಲಿದ್ದೇನೆ. 13 ನಿಮಿಷಗಳ ಕಾಲ ಈಶ್ವರಪ್ಪ ಬಳಿ ಮಾತನಾಡಿದ್ದೇನೆ. ವಿಧಾನಮಂಡಲ ಅಧಿವೇಶನಕ್ಕೆ ಅವರು ಬಾರದೆ ಇರುವುದು ಬಹಿಷ್ಕಾರವಲ್ಲ. ತಮ್ಮ ಮೇಲಿದ್ದ ಪ್ರಕರಣದಿಂದ ಮುಕ್ತರಾದ ಮೇಲೆ ಮತ್ತೊಮ್ಮೆ ಸಂಪುಟಕ್ಕೆ ಸೇರಬೇಕೆಂಬ ಅವರ ಬಯಕೆ ಸರಿಯಾಗಿಯೇ ಇದೆ ಎಂದಿದ್ದಾರೆ.
ಕೆಲವೊಂದು ವಿಚಾರಗಳನ್ನು ಬಹಿರಂಗವಾಗಿ ಹೇಳಲಾಗುವುದಿಲ್ಲ. ಅವರಿಬ್ಬರ ವಿಚಾರಕ್ಕೆ ದೆಹಲಿಯಿಂದಾನು ಸಕಾರಾತ್ಮಕವಾದದ್ದೆ ಬಂದಿದೆ. ಆ ವಿಚಾರವನ್ನು ಅವರಿಬ್ಬರ ಜೊತೆಗೆ ಕುಳಿತು ಚರ್ಚೆ ನಡೆಸುತ್ತೇನೆ ಎಂದಿದ್ದಾರೆ. ಸಚಿವ ಸ್ಥಾನಕ್ಕೆ ಸಿಪಿ ಯೋಗೀಶ್ವರ್ ಕೂಡ ಕಾಯುತ್ತಾ ಇದ್ದಾರೆ. ಮೂರು ತಿಂಗಳಾದರೂ ಸರಿಯೇ ನಾನು ಸಚಿವರಾಗಲೇಬೇಕೆಂಬುದು ಅವರ ಬಯಕೆಯಾಗಿದೆ.
Newbie Techy