ಟ್ರೋಲ್ ಮಾಡುತ್ತಿರುವವರ ವಿರುದ್ಧ ಪೊಲೀಸ್ ಠಾಣೆ ಮೆಟ್ಟಿಲೇರಿದ ನರೇಶ್ ಅಂಡ್ ಪವಿತ್ರಾ..!

ಚಿತ್ರರಂಗದಲ್ಲಿ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಸುದ್ದಿ ಮಿಂಚಿನಂತೆ ಸಿಡಿದಿತ್ತು. ಇಬ್ಬರು ಮದುವೆಯಾಗಿದ್ದಾರೆ ಎಂಬ ಗುಸುಗುಸು ಸಹ ಇತ್ತು. ಅದಾದ ಮೇಲೆ ಅವರ ಹೆಂಡತಿ ರಮ್ಯಾ ಎಂಟ್ರಿಯಾದ್ರೂ. ಒಂದಷ್ಟು ಗಲಾಟೆಗಳಾಯ್ತು, ಒಂದಷ್ಟು ಮಾತುಕತೆಗಳು ನಡೆಯಿತು. ಬಳಿಕ ಮೂರು ಜನ ಪ್ರೆಸ್ ಮೀಟ್ ಮಾಡಿ ಸ್ಪಷ್ಟನೆಯನ್ನು ನೀಡಿದರು. ಇದು ಟ್ರೋಲಿಗರಿಗೆ ಮೃಷ್ಟಾನ್ನ ಭೋಜನವೇ ಆಯಿತು. ಇದೆಲ್ಲಾ ಆದರೂ ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಅವರನ್ನು ಟ್ರೋಲ್ ಮಾಡುವುದು ಕಡಿಮೆಯಾಗಿಲ್ಲ. ಹೀಗಾಗಿ ಇಬ್ಬರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.

ಇತ್ತಿಚೆಗೆ ಮಹೇಶ್ ಬಾಬು ಅವರ ತಂದೆ ನಿಧನರಾಗಿದ್ದರು. ಸಾವಿನ ಮನೆಯಲ್ಲೂ ಪವಿತ್ರಾ ಲೋಕೇಶ್ ಹಾಗೂ ನರೇಶ್ ಕೈ ಸನ್ನೆ ಬಾಯಿ ಸನ್ನೆ ಎಂದು ಟ್ರೋಲ್ ಆಗಿತ್ತು. ಈ ಟ್ರೋಲ್ ಇಬ್ಬರನ್ನು ಕೆರಳಿಸಿದೆ. ಈ ಹಿನ್ನೆಲೆ ಇಬ್ಬರು ಹೈದ್ರಾಬಾದ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಹಲವು ಯೂಟ್ಯೂಬರ್ಸ್ ಹಾಗೂ ಟ್ರೋಲಿಗರ ಮೇಲೆ ಸೈಬರ್ ಠಾಣೆಗೆ ದೂರು ನೀಡಿದ್ದಾರೆ.

ನಮ್ಮ ವಿರುದ್ಧ ಆಕ್ಷೇಪಾರ್ಹ ಕಮೆಂಟ್ ಗಳನ್ನು ಮಾರ್ಫಿಂಗ್ ಮಾಡಿ‌ ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ. ನರೇಶ್ ಹಾಗೂ ನನ್ನ ಫೋಟೋಗಳನ್ನು ತಿರುಚಿ ಮಾನಹಾನಿ ಮಾಡುತ್ತಿದ್ದಾರೆ. ಕೆಲವು ವೆಬ್ ಸೈಟ್ ಗಳು ಹಾಗೂ ಜೆಲವು ಯೂಟ್ಯೂಬರ್ಸ್ ಗಳು ನಮಗೆ ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ. ಅಂತವರ ವಿರುದ್ಧ ಕ್ರಮ ತೆಗೆದುಕೊಳ್ಳಿ ಎಂದು ಮೇಲ್ ಮೂಲಕ ಪವಿತ್ರಾ ಲೋಕೇಶ್ ದೂರು ನೀಡಿದ್ದಾರೆ.