ಹಂಸಲೇಖ ಆರೋಗ್ಯದಲ್ಲಿ ಏರುಪೇರು : ಮಗಳು ಕೊಟ್ಟ ಸ್ಪಷ್ಟನೆ ಏನು..?

ನಾದಬ್ರಹ್ಮ ಹಂಸಲೇಖ ಅವರ ಆರೋಗ್ಯದಲ್ಲಿ ಏರುಪೇರಾಗಿದೆ. ಅವರ ಸ್ಥಿತಿ ಚಿಂತಾಜನಕವಾಗಿದೆ ಎಂದೆಲ್ಲಾ ಸುದ್ದಿ ಹರಿದಾಡುತ್ತಿತ್ತು. ಎದೆ ನೋವಿನಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎನ್ನಲಾಗಿತ್ತು. ಈ ವಿಚಾರ ಬಿರುಗಾಳಿಯಂತೆ ಹಬ್ಬಿದಾಗ ಅಭಿಮಾನಿಗಳು ಕೂಡ ಆತಂಕಗೊಂಡಿದ್ದರು. ಅವರ ಆರೋಗ್ಯದ ಬಗ್ಗೆ ಏನಾಯಿತು ಅಂತ ಎಲ್ಲಡೆ ವಿಚಾರಿಸಲು ಆರಂಭಿಸಿದ್ದರು.

ಹಂಸಲೇಖ ಅವರು ಆರು ತಿಂಗಳಿಗೊಮ್ಮೆ ತಮ್ಮ ಹೆಲ್ತ್ ಚೆಕಪ್ ಮಾಡಿಸುತ್ತಾರೆ. ಹೀಗೆ ಅವರು ಆಸ್ಪತ್ರೆಗೆ ಹೋದಾಗ ಯಾರೋ ತೆಗೆದು ಹಾಕಿದ ಫೋಟೋ ಮತ್ತು ಹೃದಯಾಘಾತವಾಗಿದೆ ಎಂಬ ಕ್ಯಾಪ್ಶನ್ ಎಲ್ಲರನ್ನು ಭಯಭೀತಗೊಳಿಸಿತ್ತು. ಏನೋ ಆಗಿದೆ ಎಂದು ಭಯಗೊಂಡಿದ್ದರು.

ಈ ಗಾಳಿ ಸುದ್ದಿಯಿಂದಾಗಿ ಮಾಜಿ ಸಿಎಂ ಸಿದ್ದರಾಮಯ್ಯ ಕೂಡ ಪೋಸ್ಟ್ ಹಾಕಿದ್ದರು. ಆದಷ್ಟು ಬೇಗ ಹುಷರಾಗಲಿ ಎಂದು ಹಾರೈಸಿದ್ದರು. ಈ ಸುದ್ದಿ ಇನ್ನಷ್ಟು ಹೆಚ್ಚಾಗುತ್ತಿದ್ದಂತೆ ಹಂಸಲೇಖ ಅವರ ಮಗಳು ಉತ್ತರ ನೀಡಿದ್ದಾರೆ. ತಂದೆಯ ಆರೋಗ್ಯದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಬೆಳಗ್ಗೆಯಿಂದಾನು ಹಂಸಲೇಖಾ ಅವರು ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗಿದ್ದಾರೆ. ಅವರ ಆರೋಗ್ಯದಲ್ಲಿ ಏರುಪೇರಾಗಿದೆ ಎಂದು ಮಾಧ್ಯಮದಲ್ಲಿ ಪ್ರಸಾರವಾಗುತ್ತಿದೆ. ಇದು ಸುಳ್ಳಾಗಿದ್ದು, ಈ ರೀತಿಯ ಸುಳ್ಳು ಸುದ್ದಿಗಳನ್ನೆಲ್ಲಾ ಹಬ್ಬಿಸಬಾರದು ಎಂದು ಹೇಳುವ ಮೂಲಕ ಹಂಸಲೇಖ ಅವರಿಗೆ ಏನು ಆಗಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ.